Flash News

Sulmi me një të vrarë në TCH ende pa autor, lirohet ish-dhëndri i rojes Pal Kola

Sulmi ndaj TCH, dy të shoqëruar nga Policia e Vlorës, mes tyre ish-dhëndri i Pal Kolës

Posta e mëngjesit/ Me 2 rreshta: Çfarë pati rëndësi dje në Shqipëri

Sulmi në Top Channel, Rama: Media nuk ka qenë kurrë më e lirë se sot

Basha bojkoton zgjedhjet për herë të dytë

E-TJERA

Çështja ‘McGonigal’: 14 fakte që lidhin ish-zyrtarin e FBI-së me Ramën

Politiko 26 Janar 2023, 09:47

Çështja ‘McGonigal’: 14 fakte që lidhin

Arrestimi i ish-zrytarit të FBI-së, Charles McGonigal, nxori zbuluar darkat dhe takimet e padeklaruar edhe me kryeministrin Edi Rama, përfshirë edhe një shumë prej 225 mijë dollar që dyshohet që ish-zyrtari ta ketë marrë në Shqipëri nga një politikan dhe biznesmen.

Drejtorja ekzekutive e Open Data Albania, Aranita Brahj, ka treguar për A2 CNN detaje nga dosja për McGonigal, me plot 70 fakte të zbardhura nën akuzë e korrupsioni dhe falsifikimit, duke implikuar në mënyrë direkte edhe kryeministrin Rama.

Sipas nga këto 70 fakte janë 14 të cilat e lidhin Ramën me McGonigal.

"Për fat të mirë këtë radhë kemi një dokument zyrtar shumë mirë të kopsitur, i hartuar jo nga një palë politike, por nga gjykata e SHBA në distriktin e Kolumbias. Ku dokument me 70 fakte ka një kronologji shumë të saktë dhe dokumente të fakteve, edhe pse kemi të bëjmë me një zyrtar të FBI, janë fakte që të çojnë në selinë ku punon kryeministri i Shqipërisë.

Nga 70 të tilla,  14 fakte të çojnë te kryeministri shqiptar. Në gusht 2017, ky zyrtar i FBI dhe Personi A ka bërë një bisedë ku kërkohen para. Në shtator thuhet se paratë mund të gjenden. Në shtator Mc Gonigal i hipën avionit pa deklaruar dhe vjen në Shqipëri. Në shtator i garantohen paratë. Në 9 shtator darkon me kryeministrin shqiptar ku ishin prezent edhe një këshilltar që kryeministri thotë se ishte pa pagesë, personi B, si dhe personi A”, të identifikuar i pari si Dorian Duçka dhe i dyti si Agron Neza.

Më pas kemi udhëtime të tjera, dhe Gjykata e Distriktit thotë se pas udhëtimeve shqiptare i pandehuri vijon me marrëdhëniet me kryeministrin e Shqipërisë, që nuk e dimë ende në detaj. Në 5 tetor paguhet 80 mijë dollarë cash, pastaj dy këste të tjera. Në 19 nëntor kemi një tjetër darkë me kryeministrin dhe me zyrtarë të tjerë, në dhjetor darka kthehet dhe hahet në Nju Jork, me kryeministrin që nuk denjon të bëj të ditur as itinerarin. Dhe në janar fillon e shënohet një çështje penale për një shtetas amerikan që ka lobuar për një parti që nuk është ajo e kryeministrit të Shqipërisë", tha Brahaj.

Referuar akuzave, Brahaj tha se ish-zyrtari rrezikon deri në 20 vite burg për vepra të përsëritura.

"Akuzat nuk janë vetëm për mosdeklarim, akuzat janë të rënda dhe zyrtari rrezikon të paktën në 20 vite burg, dhe janë vepra të përsëritura. Ato janë fshehja e fakteve dhe materialeve, deklarim i rremë, falsifikim i të dhënave dhe dokumenteve. Dokumenti thotë se i pandehuri është angazhuar në një marrëdhënie private me një person A, qytetar shqiptar i kthyer në nënshtetas amerikan tashmë të identifikuar si ish eksponenti i shërbimeve sekrete, diçka që bie ndesh me detyrën e tij. Rezultatet janë flagrante dhe lidhen me Shqipërinë. Mc Gonigal ka fshehur marrjen e 225 mijë dollarëve, duke e shndërruar në burim", tha Brahaj.

Të fundit