Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Krimet elektorale në Shqipëri/ Shumica dërrmuese i shpëtojnë dënimit, vetëm dy të pandehur nga 291 ankesa

Politiko 26 Prill 2022, 08:20

Krimet elektorale në Shqipëri/ Shumica dërrmuese i

Pas qindra denoncimeve pranë autoriteteve, vetëm një rast me dy të pandehur lidhur me krime elektorale rezultoi me dënim, sipas një raporti të Qendrës për Çështjet e Informacionit Publik në Shqipëri.

Zgjedhjet e përgjithshme të 25 prillit u shoqëruan nga një total prej 291 ankesash për blerje votash, manipulime, presione dhe forma të tjera të krimeve zgjedhore. Këto çështje u trajtuan gjithashtu nga organe të ndryshme ndërkombëtare, duke përfshirë OSBE/ODHIR, të cilët bënë thirrje për reforma të gjera për të mbrojtur qytetarët nga krimet elektorale.

Megjithatë, një raport për Incidencën dhe Hetimin e Krimeve Zgjedhore vlerësoi se deri më tani rreth 140 prej këtyre ankesave janë regjistruar si procedim penal nga autoritetet. Nga këto, vetëm një rezultoi në një vendim përfundimtar.

Gjatë një prezantimi të raportit pak ditë më parë, Gerti Shella, drejtor i qendrës, tha se “Manipulimi i zgjedhjeve ka qenë dhe mbetet një shqetësim serioz për Shqipërinë. Pavarësisht dispozitave më të rrepta ligjore, hetimet penale në fushën e zgjedhjeve nuk kanë qenë efektive në Shqipëri”.

Qendra monitoroi zgjedhjet dhe periudhën paszgjedhore për çdo krim të dyshuar elektoral. Deri në nëntor 2021 janë pranuar 158 kërkesa prej të cilave 82 kanë rezultuar me fillimin e procedimit penal. Prokuroria Speciale kundër Krimit dhe Korrupsionit, e strukturuar nga BE-ja dhe SHBA-ja, regjistroi 115 kërkesa, por vetëm 57 rezultuan me fillimin e procedimeve penale.

Dhe vetëm një rast, me dy të dyshuar, ka rezultuar me dënim. Anëtarë të tjerë të bordit vunë në dukje se publiku ka humbur besimin tek prokuroria dhe nuk beson se krime të tilla do të ndëshkohen.

Burimi: Euroactiv

Të fundit