Sulmet iraniane në Katar, MEPJ thirrje shqiptarëve në Gjirin Persik: Tregoni kujdes të shtuar!

Ministria për Europën dhe Punët e Jashtme ka apeluar shqiptarët që ndodhen në vendet e Gjirit Persik të tregojnë kujdes të shtuar pas sulmit të fundit që ndërmori Irani ndaj bazës ushtarake amerikane në Katar.

MEPJ u bën thirrje që të qëndrojnë në kontakt të vazhdueshëm me përfaqësitë diplomatike dhe konsullore të Shqipërisë në rast emergjence ose ndihme.

“Ministria për Evropën dhe Punët e Jashtme këshillon qytetarët shqiptarë që ndodhen aktualisht në vendet e Gjirit Persik, të ndjekin njoftimet e autoriteteve vendase, të tregojnë kujdes të shtuar dhe të qëndrojnë në kontakt të vazhdueshëm me përfaqësitë tona diplomatike dhe konsullore”, njoftoi MEPJ.

Po ashtu, MEPJ ka vendosur në dispozicion email-et dhe numrat e kontakteve për ambasadat në Katar, Kuvajt, Arabi Saudite dhe Emiratet e Bashkuara Arabe.

AMBASADA SHQIPTARE NË KATAR

Email: [email protected]

Tel: +974 77180778

AMBASADA SHQIPTARE NË KUVAJT

E-mail: embassy.kuë[email protected]

Tel: +965 2524 0627

AMBASADA SHQIPTARE NË ARABI SAUDITE

Email: [email protected]

Tel: +966501422449

AMBASADA SHQIPTARE NË EMIRATET E BASHKUARA ARABE

Email: [email protected]

Tel: +971 50 980 7881

Kujtojmë se Irani iu kundërpërgjigj sulmeve të SHBA-ve duke sulmuar bazën e saj më të madhe në Lindjen e Mesme që ndodhet në Katar. Nga ky sulm i Teheranit nuk janë raportuar viktima në njerëz.