Euractiv: Përplasja SHBA-Iran në Shqipëri, zbehen shpresat për marrëveshjen bërthamore

Shqipëria u përball dy ditë më parë me një tjetër sulm kibernetik të organizuar nga Irani ku hakerat sulmuan sistemin TIMS duke paralizuar kalimin në thuajse të gjitha pikat kufitare të vendit. Në një reagim, Ministria e Jashtme e Iranit e cilësoi Tiranën një ‘viktimë’ të skenarit të SHBA-së.

Sulmi erdhi fill pasi Shqipëria ndërpreu marrëdhëniet diplomatike me Teheranin dhe dëboi diplomatët e saj nga ambasada në Tiranë.

Një artikull i ‘Euractiv’ shkruan se me sulmet dhe kundërsulmet mes Iranit dhe SHBA-së për sulmin kibernetik në Shqipëri, zbehen edhe shanset për një marrëveshje bërthamore mes dy vendeve, pasi vendet evropiane kanë dyshime serioze në aktet iraniane.

Ata që tentonin të përdornin sistemin TIMS, i cili regjistron çdo person që hyn dhe del jashtë vendit, u përballën me një mesazh ku thuhej: “Shqipëria ende po paguan për aktet terroriste të kultit MEK në Durrës; kjo lojë do të vazhdojë.”

Shqipëria është shtëpia e grupit MEK (Organizata e Muxhahedinëve të Popullit të Iranit), të cilët u transferuan në Shqipëri nga një kamp refugjatësh irakianë në vitin 2016.

Grupi u themelua në vitin 1965 dhe u angazhua në aksione militante kundër qeverisë iraniane për dekada të tëra përpara se të krijonte një aleancë me Irakun dhe të anonte me ta gjatë luftës Irak-Iran.

MEK ishte përcaktuar më parë si organizatë terroriste nga BE, Kanada, SHBA dhe Japonia, por kjo u shfuqizua. Atyre iu dha mbrojtje në vitin 2004 nga qeveria amerikane sipas Konventës së Gjenevës.

Ata synojnë të përmbysin qeverinë iraniane dhe rreth 1,000 anëtarë jetojnë në një kompleks të mbyllur, të ruajtur shumë, 40 kilometra jashtë Tiranës.

Jini vigjilentë

Këshilli i Sigurisë Kombëtare të SHBA-së ka reaguar gjithashtu ndaj lajmeve të fundit të sulmit, duke deklaruar se mbështet përpjekjet e Shqipërisë për rimëkëmbjen.

“Shtetet e Bashkuara dënojnë sulmin kibernetik të 9 shtatorit kundër aleatit tonë të NATO-s, Shqipërisë. Ky aktivitet keqdashës kundër Shqipërisë vjen pas sulmit kibernetik të 15 korrikut të kryer nga qeveria e Iranit. Qeveria e SHBA po mbështet përpjekjet e Shqipërisë për të zbutur dhe rimëkëmbur”, thuhet në një deklaratë në Tëitter.

Të premten, qeveria amerikane vendosi sanksione ndaj Ministrisë së Inteligjencës dhe Sigurisë së Iranit dhe kreut të saj, Esmail Khatib, për aktivitete të lidhura me kibernetikën kundër SHBA-së dhe aleatëve të saj, pas një Ëhitehouse që premtoi "veprime të mëtejshme".

Drejtori i Autoritetit të Aviacionit Civil, Maksim Et’hemaj, tha se sulmi ishte sabotim dhe bëri thirrje për krijimin e një Komiteti Koordinues të Krizave.

“Në aviacionin civil, ajo që ndodhi me sistemin TIMS klasifikohet me përkufizim, sabotim. Në raste të tilla, në rastet e sabotimeve, aviacioni civil kërkon nga autoritetet vendore që të ngrenë atë që quhet Komiteti i Koordinimit të Krizave”, tha ai për Euronews Albania.

NATO dhe kreu i saj, Jens Stoltenberg, dënuan të enjten sulmin kibernetik iranian ndaj Shqipërisë, i cili e pa vendin të ndërpresë lidhjet me Teheranin dhe kërkoi që të gjithë diplomatët e saj të largoheshin brenda 24 orëve të mërkurën.

Por nuk është vetëm Shqipëria që ka përjetuar sulme të tilla. Shërbimet dixhitale në Kosovë dhe Maqedoninë e Veriut gjithashtu kanë qenë në shënjestër gjatë ditëve të fundit, por ende nuk dihet se kush qëndron pas tyre.