Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

EURACTIV: Shqiptarët vazhdojnë luftën kundër HEC-eve, rrezikojnë furnizimin me ujë

Politiko 17 Prill 2023, 08:23

EURACTIV: Shqiptarët vazhdojnë luftën kundër HEC-eve,

Banorët e Mirditës protestuan të dielën kundër ndërtimit të pesë hidrocentraleve që ata thonë se do të ndikojë në shtëpitë e tyre, jetesën dhe aksesin në ujin që u nevojitet për të punuar tokën.

Në vitin 2018 është dhënë me koncesion për 5 HEC-e, por banorët e shtatë fshatrave përreth kanë penguar me veprime ligjore nisjen e punimeve, raporton EURACTIV. Të dielën ata protestuan teksa thonë se kompania është rikthyer në zonë dhe është nisur nga puna, duke rrezikuar aksesin e tyre në ujë.

“Kemi dalë edhe herë të tjera, por tani dalja po bëhet më e egër. Na hoqët ujin, na hoqën jetën. Ne do të vazhdojmë protestat”, tha për BIRN Mark Përkola, një banor i zonës.

Veprimet ligjore kundër impianteve të propozuara nisën kur banorët paditën kompaninë dhe zyrtarët lokalë komunalë për korrupsion, falsifikim dokumentesh dhe shpërdorim detyre. Dosja është regjistruar në Gjykatën Speciale Kundër Krimit të Organizuar dhe Korrupsionit, por i ka kaluar Prokurorisë së Lezhës.

Pas hetimeve, kjo e fundit doli në përfundimin se asnjë prej pretendimeve nuk kishte bazë dhe gjykata e rrëzoi atë. Qytetarët nuk u pajtuan dhe apeluan, por që nga nëntori i vitit 2021 nuk ka pasur lëvizje për rastin.

Shqipëria prodhon pothuajse 100% të energjisë së saj nëpërmjet hidrocentraleve, një nga vetëm një pjesë e vogël e vendeve evropiane që nuk përdorin gaz. Por kjo është problematike, veçanërisht në ndryshimet klimatike, të cilat ndikojnë ndjeshëm në rajon. Gjatë vitit 2022, reshjet e pakta të shiut shkaktuan shqetësime për nivelet e ujit në rezervuarët e vendit në disa raste.

Banorët janë aktivë edhe në protestën kundër ndërtimit të digës së Skavicës në qarkun e Dibrës. Projekti do të shihte më shumë se 58 milje katrore, kryesisht tokë bujqësore dhe pyje, të përmbytura së bashku me 41 fshatra.

Diga 147 metra e lartë ka tërhequr kritika nga organizatat ndërkombëtare, duke përfshirë Bankwatch, të cilët thanë se rreziqet për njerëzit dhe natyrën peshojnë shumë më tepër se përfitimet ekonomike.

“Në rastet më të këqija, zona të gjera toke përmbyten, shumë njerëz duhet të braktisin atdheun e tyre, lumenjtë shndërrohen në rezervuarë artificialë, kafshët e egra zhduken dhe vendi mbetet me borxhe të jashtme dhe një sistem energjie të cenueshëm nga klima.Duke marrë parasysh të gjitha këto kritere, diga e planifikuar e Skavicës në Shqipëri është shumë e dëmshme,” tha Bankwatch.