Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Fali o Zot se nuk dinë ç'bëjnë", Martini reagon pas shkarkimit nga detyra: Shteti im më 'pushkatoi' familjarisht

Politiko 11 Qershor 2021, 10:12

 

"Fali o Zot se nuk dinë ç'bëjnë", Martini
Anton Martini

Një ditë pas shkarkimit nga detyra, ka reaguar prokurori Anton Martini. Përmes një reagimi në rrjetet sociale, ai thotë se ishte përgatitur për një vendim të tillë, duke shtuar se kishte informacion që po punohej kundër tij.

Ai shton se: Dje, shteti im më “pushkatoi” mua dhe familjen time, në mënyrë krejt të padrejtë e të pabesë, shtet për të cilin, prej 23 vitesh punova shumë shumë fort, duke u munduar te ruaj e të mos cenoj për asnjë moment besimin ndaj qytetareve të mi. Dje, faktori ndërkombëtar dështoi të monitorojë procesin kompleks ndaj meje, rol të cilin parlamentarët e vendit tim, j`ua besuan nëpërmjet dispozitave kushtetuese.

Martini thekson se është i mërzitur nga vendimi që mori Kolegji i Posaçëm i Apelimit, ndërsa falenderon bashkëpunëtorët e tij.  Ai ka treguar edhe një pjesë të bisedës me një prej miqve të tij, pasi ky i fundit u informua për vendimin e shkarkimit.

"Dua ta mbyll me një pasazh nga një bashkëbisedim që pata mbrëmë në orët e vona, me një mikun tim të ardhur nga larg në shenjë solidariteti me familjen time në këto momente, i cili më pyeti: 'këta që të kanë rënë në qafë ty dhe fëmijëve të tu, si mund t’i zëjë gjumi të qetë'? – e si përgjigje nga unë, mori një shprehje biblike e cila mu kujtua në çast: 'Fali o Zot se nuk dinë çfarë bëjnë'!"-thotë më tej Martini.

Ky i fundit është kandidat për SPAK. I komanduar në Prokurorinë e Tiranës, ish-prokurori i Krimeve të Rënda kaloi shkallën e parë të rivlerësimit në janar 2020 me shumicë votash. Por vendimi i konfirmimit u ankimua nga Komisioneri Publik në qershor.

Sipas KPA, Martini kishte mangësi në justifikimin e burimeve për pagesën e këstit të parë të kredisë që kishte marrë për të paguar një apartament në kryeqytet. Gjithashtu KPA tha se Martini ka pasur probleme në menaxhimin e çështjeve kur ka qenë drejtues i Prokurorisë së Shkodrës.

Të fundit