Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Familjarët e të zhdukurve letër Bashkisë së Korçës: Mos na lëndoni! Anuloni pjesëmarrjen e Goran Bregovic

Politiko 13 Gusht 2021, 15:27

Familjarët e të zhdukurve letër Bashkisë së

Pjesëmarrja e këngëtarit serb Goran Bregovic në eventin e “Festës së Birrës” në Korçë, ka ngjallur mjaft polemika si në Kosovë ashtu edhe në Shqipëri. Ë sigurisht ‘më të goditurit’ nga kjo situatë janë familjarët e të zhdukurve gjatë krimeve serbe në Kosovë.

Së fundmi, Këshilli Koordinues i Asosacioneve Familjare të të zhdukurve të Kosovës i ka drejtuar një letër Bashkisë së Korçës ku i kërkon të anulojë performancën e Bregovic në event.

“Nëse koha gdhend gurin, ajo shkatërron njeriun. Vitet kalojnë, plakja si proces, nuk e shuan dhimbjen dhe kujtimin për ata që mungojnë”. Këto janë fjalët e familjarëve të cilët me dhimbjen edhe sot po aq të freskët sa 22 vite më parë, kërkojnë t’iu dëgjohet dhimbja për të dashurit e humbur.

20 shoqata që përfaqësojnë familjet e personave të zhdukur i bëjnë thirrje Bashkisë së Korçës, në nder dhe respekt të dhimbjes së tyre, të ndalojë performancën e Goran Bregovic, muzika e të cilit mendohet se frymëzoi krimet serbe në Kosovë.

“E kaluara jonë ndonëse nuk është e largët, ajo vazhdon të jetë shumë e rëndë për ne. Dhunimi në kohë terrori është më i lehtë i pranueshëm, sesa kur ndodhë në kohë lirie. Sot, familjet e personave të zhdukur, dhunohen në baza ditore, përkitazi me humbjen e cila iu është shkaktuar. Andaj ju lutemi të mos na lëndoni më shumë këto familje dhe iu kërkojmë të anuloni pjesëmarrjen e Goran Bregoviqit dhe çdo këngëtari e artisti serb, që frymëzoi kryerjen e krimeve mbi popullatën shqiptare” shkruan në letrën e Këshillit.

Në bashkëngjitje të kërkesës dhe lutjes së tyre, familjarët e të zhdukurve gjatë krimeve serbe në Kosovë, theksojnë se pjesëmarrja e Goran Bregovic do t’i lëndojë më shumë duke rihapur plagët e 22 viteve të krimeve gjenocidiale.

“E dimë që arti është përtej kufijve por e tillë duhet të jetë edhe dhimbja jonë dhe nëse nuk mund t’i bashkëngjitni kauzës sonë për të ditur të vërtetën për fatin dhe vend ndodhjen e më të dashurve tanë si një e drejtë elementare, të paktën respektoni dhimbjen tonë. Mos na lëndoni më shumë duke lejuar pjesëmarrjen e Goran Bregovic ose të ndonjë artisti tjetër serb, që për këto 22 vjet bënë përpjekje të vazhdueshme të mohojnë krimet gjenocidiale duke mohuar dhe mos njohur të vërtetën tonë të dhimbshme”, shkruhet në letër.

Familjarët e të zhdukurve letër Bashkisë së