"Çfarë çike"/ Rama dhe Veliaj presin në zyrë Dua Lipën, çfarë i dhuruan këngëtares me famë botërore

Këngëtarja shqiptare me famë botërore Dua Lipa ka mbërritur sot në Shqipërit. Ajo shoqërohet nga familja e saj: prindërit, Dukagjin dhe Anesa Lipa, si dhe i fejuari i saj, Anwar Hadid.

Dua është pritur në zyr nga kryeministri Edi Rama, ku ky i fundit ka ndarë dhe një foto në rrjetet sociale me yllin e muzikës botërore.

Rama tregon përshtypjet që i ka lënë, teksa thotë se brenda tij mbeti gjurma e vajzës së mençur, e edukuar, e modeste si të ishte askushi, e cila është me siguri krenaria e lumturia e prindërve dhe e krejt familjes së saj.

"DUA LIPA që ka kapur qiellin e botës muzikore s'ka nevojë për asnjë koment, ndërsa një koment për Duan që pata kënaqësinë të njoh, unë dua ta ndaj me ju.
Uroj që ajo të rrojë e të mbretërojë 100 vjet në fronin ku është ulur, po brenda meje mbeti gjurma e vajzës së mençur, të edukuar e modeste si të ishte askushi, e cila është me siguri krenaria e lumturia e prindërve dhe e krejt familjes së saj, pikërisht sepse çka i takon botës nga ylli i muzikës, nuk ka prekur asnjë fije atë çka u takon atyre nga vajza e tyre. Çfarë çike" shkruan Rama, teksa e shoqëron dhe me një emoji zemër.

Nga fotoja e publikuar, lë të nënkuptohet se Rama i ka dhuruar Duas një libër me pikturat e tij.

Gjithashtu, këngëtarja me origjinë shqiptare është pritur në zyrë dhe nga kryetari i Bashkisë së Tiranës, Erion Veliaj. Ky i fundit i dhuroi Dua Lipës një targë simbolike me mbishkrimin “Dua 100”, kapelen e gruas tironse, si dhe diskun muzikor me këngë popullore të Shqipërisë së mesme, realizuar në 100-vjetorin e Tiranës kryeqytet, “Tirana 100”. Ndërsa, Dua Lipa i dhuroi Veliajt albumin e saj më të fundit, që po thyen rekordet botërore, “Future Nostalgia”, i cili për 6 muaj ka qëndruar në top 10-en e këngëve më të mira. 

Gjatë ditës së sotme, Veliaj dhe këngëtarja Dua Lipa do të inspektojnë edhe punimet për rindërtimin e Kopshtit 42 në Tiranë, i cili u dëmtua nga tërmeti i 26 Nëntorit 2019. Këngëtarja shqiptare do të financojë mobilimin e plotë të kopshtit, me kapacitet 300 fëmijë, ndërsa godina po ndërtohet me ndihmën e Fondit të Katarit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm