Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çfarë janë trollet, rreziku i tyre dhe ku ndryshojnë nga Boots

Politiko 24 Qershor 2021, 11:19

Çfarë janë trollet, rreziku i tyre dhe ku ndryshojnë nga

Trollet janë profile apo faqe të rreme, pas të cilëve fshihen persona realë që komentojnë, shpërndajnë apo diversifikojnë mesazhe të caktuara në rrjetet sociale. Kryesisht, trollet janë strukturuar në faqet kryesore të politikanëve, ku kanë rolin e sulmueseve në profilet e kundërshtarëve me komente negative.

Nga vëzhgimi i bërë nga Qendra POLITIKO ka rezultuar se trollet janë zakonisht në formën e faqeve “fan page”, me jo shumë ndjekës, ose profile në Facebook. Kryesisht kanë emra përdoruesish si: Blog Personal, Dekor Shtëpie, etj... Këto faqe komentojnë vazhdimisht dhe në mënyrë masive në faqet e figurave kryesore politike, por edhe në varësi të personave të targetuar apo oponentëve politikë. Është e lehtë t’i identifikosh profilet e rreme, pasi kanë shumë elementë të përbashkët.

Kanë foto profili/cover-i të marra nga interneti ose nuk kanë asnjë foto; nuk kanë asnjë postim në “murin” e tyre ose kanë 2-3 postime pa ndonjë lidhje me aktivitetin e tyre në rrjetet sociale; mungojnë të dhënat personale; nuk kanë miq ose kanë shumë pak; janë emra që nuk figurojnë në regjistrin e gjendjes civile; mund të jenë “pages”, jo profile; kanë komente identike me “kolegët” e tyre, etj., si dhe ndëraktiviteti në faqen e tyre mungon.

Cili është rreziku i tyre?

Në një studim të Pew Research Center, me qendër në Uashington, u arrit në përfundimin se interneti dhe aksesi ndaj teknologjisë i ka bërë njerëzit më të informuar, por edhe më të lehtë për t’u manipuluar. Ky detaj provon edhe njëherë forcën e madhe që kanë trollet politike në ndikimin e audiencës, duke arritur deri aty sa të ndryshojnë plotësisht bindjet e tyre politike, të ndikojnë në mendimet dhe perceptimet e qytetarëve për realitetin si dhe paraqesin një kërcërim për demokracinë dhe lirinë e shprehjes.

Ku ndryshojnë BOOTS nga TROLLS?

BOTS janë profile të automatizuara në rrjete sociale, kanë një gjuhë tërësisht mekanike dhe shpesh me shumë gabime, për shkak të përkthimit kompjuterik. Trollet menaxhohen nga njerëz realë, gjë që e bën më të sofistikuar procesin në tërësi, duke u bërë edhe më i vështirë dallimi. Zakonisht trollet zgjedhin me kujdes kë personazh sulmojnë ose mbrojnë, zgjedhin me kujdes argumentet, dinë si të provokojnë debat dhe madje ka raste që gabimet drejtshkrimore bëhen qëllimisht për t’u dukur të shkujdesur dhe sa më të vërtetë.