Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

"Çfarë ka ndodhur me marrëveshjet ndërkombëtare?", Meta: O tani o kurrë! Referendumi arma në dorë të popullit

Politiko 30 Tetor 2020, 13:50

Presidenti i Republikës Ilir Meta

Në mbështetje të “Nismës kombëtare për Referendum”, Presidenti i Republikës Ilir Meta i ka bërë thirrje Kuvendit që të miratojë nismën e referendumit, të cilën e quan armë në dorë të popullit.

“Kur sot të gjithë jemi të vetëdijshëm për shtimin e ligjeve me një nivel të rëndë anti-Kushtetueshmërie, klienteliste të miratuara nga Kuvendi, çdokush mund të pyes cilat do të jenë pasojat”, tha Meta.

“Presidenti ka konstatuar në këto 3 vite një numër të lartë të ligjeve që bien ndesh me Kushtetutën dhe aktet ndërkombëtare që Shqipëria ka ratifikuar. 41 ligje ka kthyer Presidenti për rishikim. Kur sot jemi të gjithë jemi të vetëdijshëm për shtimin e ligjeve me një nivel të rëndë anti-Kushtetueshmërie, klienteliste të miratuara nga Kuvendi çdokush mund të pyes veten se çfarë mund të ketë ndodhur me marrëveshjet ndërkombëtare, si janë negociuar dhe cilat do të jenë pasojat?

Cfarë mund të ketë ndodhur me aktet normative të ministrave? Cfarë mund të ketë ndodhur me udhëzimet e një titullari? Apo, çfarë po ndodh përditë me udhëzimet e paligjshme të policisë së shtetit? Ku, kur dhe si do të dëgjohet zëri i popullit të nëpërkëmbur? E pamundur të shprehesh dot me fjalë absurdin e rëndë të kësaj situate që ka cënuar rëndë besimin tek shteti i së drejtës, duke cënuar kështu besimin në sigurinë juridike. Nuk mund të flasim më për stabilitet dhe shtet të së drejtës, kur ligjvënësi mund të për përkeqësojë, mohoj ose shpërfill të drejtat e personave”, ka thënë Meta.

Presidenti ndër të tjera u zotua se do të bënte gjithçka për të mbështetur këtë nismë, duke e cilësuar atë si një zgjim të shoqërisë civile. “Vetëm të bashkuar në referendume mbrojmë të drejtat e qytetarëve dhe zhbëjmë çdo cenim të interesit kombëtar dhe publik. O tani o kurrë!”, theksoi Meta.

“Do bëj gjithçka që kam në dorë për t’i shërbyer kësaj nisme deri në realizimin e saj efektiv. Presidenti ka për detyre të ruajë bashkimin e popullit. Jam betuar me dorën mbi Kushtetutë, e ndjej si detyrë atdhetare, situata e rëndë në të cilën populli s’ka qenë kurrë më parë, si funksionim shtetëror flas, jam i sigurt që të gjithë se bashku duhet ta çojmë deri në fund këtë nismë. Le ta quajmë këtë si zgjim të shoqërisë civile. Mbështet si President nismën me shumë forcë, shpresoj që ky kuvend të bëjnë një punë të mirë, ta miratojë këtë ligj sipas të gjitha përcaktimeve që ju i keni bërë ligjit që referendumi të jetë efektiv, Vetëm të bashkuar në referendume mbrojmë të drejtat e qytetarëve dhe zhbëjmë çdo cenim të interesit kombëtar dhe publik. Unë them: O tani o kurrë! Jam i bindur që kjo gjë do ndodhë, e kemi për detyrë që ta instalojmë përfundimisht ligjin mbi referendumet”, vijoi më tej Meta.