Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çfarë nuk përputhet në dëshminë e Ballës? Hoxha shpjegon detajet

Politiko 30 Prill 2026, 22:21

Çfarë nuk përputhet në dëshminë e Ballës?

Gazetari Artan Hoxha ka evidentuar një kontradiktë në dëshminë e kreut të grupit parlamentar të PS, Taulant Balla në Gjykatën e Posaçme lidhur me çështjen “Partizani”, duke u ndalur veçanërisht te referencat ndaj mediave.

I cftuar ne Syri tv, Hoxha tha se Balla është përpjekur ta mbështesë kallëzimin e tij duke iu referuar investigimeve mediatike, por kjo bie ndesh me kronologjinë e ngjarjeve. Ai theksoi se kallëzimi është dorëzuar më 17 nëntor 2020 dhe çështja është regjistruar në SPAK më 1 dhjetor 2020, ndërsa publikimet e mediave që përmenden prej Ballës janë bërë në shkurt 2021, pra disa muaj më vonë.

“Ti nuk ke marrë spunto nga materialet e medias. Është e kundërta – media ka marrë spunto nga kallëzimi”, u shpreh Hoxha, duke shtuar se vetë kallëzimi nuk i referohet asnjë burimi mediatik dhe duket i hartuar nga profesionistë.

Ai ngriti gjithashtu pikëpyetje për rolin e SPAK-ut në fazën hetimore, duke theksuar se figura të rëndësishme politike, përfshirë kryeministrin dhe vetë Ballën si kallëzues, duhej të ishin marrë në pyetje më herët dhe jo vetëm në fazën gjyqësore.

“Pra, SPAK-u duhet t'i kishte thirrur paraprakisht si persona… minimalisht duhet t'i thërriste si persona që kanë dijeni mbi çështjen… Kështu që SPAK-u nuk e bëri këtë gjë, nuk pati kurajo”, u shpreh gazetari.

Duke iu rikthyer dëshmisë së Ballës, Hoxha theksoi se përpjekja për t’ia atribuar medias burimin e kallëzimit nuk qëndron, pikërisht për shkak të rendit kohor të fakteve.

“Sepse, kallëzimi i Taulant Ballës është bërë saktësisht në datën 17 nëntor 2020… Investigimet… janë bërë… në shkurt 2021. Pra, kur është bërë kallëzimi, nuk kanë ekzistuar këto?” argumentoi ai.

 Hoxha nënvizoi se në realitet ka ndodhur e kundërta e asaj që u pretendua në gjykatë.

“Pra, ti nuk ke marrë spunto nga materialet e medias. Është e kundërta. Media ka marrë spunto nga kallëzimi… Kallëzimi është i pastër… është bërë nga profesionistë”, përfundoi ai.

 

Të fundit