Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Favorizuan organizatën mafioze të Dritan Gjikës, arrestohen zyrtarët e drejtësisë në Ekuador

Politiko 19 Gusht 2024, 10:46

Favorizuan organizatën mafioze të Dritan Gjikës, arrestohen

Policia e Ekuadorit ka arrestuar dy zyrtarë të drejtësisë, të cilët dyshohet se kanë marrë pjesë në dhënien e urdhrave në favor të anëtarëve të mafies shqiptare.

Mediat vendase raportojnë se në pranga janë vënë shtetasit Douglas C. dhe Luis S., të cilët u arrestuan gjatë një operacioni të përbashkët mes Policisë Kombëtare dhe Prokurorisë së Përgjithshme të Shtetit, në Ekuador.

Të arrestuarit punonin në Njësinë Gjyqësore të kantonit të Valencias, në provincën Los Ríos. Të përfshirë janë sekretari i Njësisë Gjyqësore dhe një juriste nga agjencia. Gjithashtu, gjyqtari Lenin G. nga e njëjta Njësi Gjyqësore, është i arratisur.

Arrestimi u kërkua nga Prokuroria e Përgjithshme e Shtetit, në kuadër të të ashtuquajturës “Çështja Albajuez”, e cila zbuloi një rast të ri korrupsioni brenda sistemit gjyqësor.

Të arrestuarit kishin dhënë në mënyrë të parregullt masën e sigurimit në favor të tre të pandehurve, pjesë e mafies shqiptare. Këta shtetas, të cilët ndodheshin në paraburgim për krim të organizuar dhe pastrim parash, ishin pjesë e një rrjeti kriminal të drejtuar nga Dritan Gjika.

“Ata kanë dhënë – në mënyrë të parregullt – masa sigurie në favor të tre të pandehurve që dyshohet se janë pjesë e mafies shqiptare. Këta shtetas, të cilët ndodheshin në paraburgim për krim të organizuar dhe pastrim parash, dyshohet se ishin pjesë e një rrjeti kriminal të drejtuar nga Dritan G”, njoftoi prokuroria.

Gjithashtu, Prokuroria kërkoi mbështetje nga Policia për të gjetur gjyqtarin Lenin G., i cili ka urdhëruar lirimin e të pandehurve dhe për të cilin është në pritje një urdhër arresti. Gjyqtari, sipas raportimeve është larguar dhe po kërkohet.

Çështja e quajtur “Albajuez” lidhet me hetimin më të gjerë të njohur si çështja Pampa, në të cilën po mbahet një strukturë kriminale e drejtuar nga Dritan Gijka, një shqiptar, i cili së bashku me partnerët e tij do të kishin përdorur kompani për të fshehur paratë e paligjshme që vijnë nga trafiku i drogës. Sipas Prokurorisë, në periudhën 2015-2024 janë zbuluar lëvizje të pajustifikuara financiare prej 31 milionë dollarësh, të cilat janë përdorur për të blerë prona dhe automjete luksoze në disa provinca të vendit.

Deri më tani për këtë rast janë proceduar penalisht 21 persona për pastrim parash dhe 22 për krim të organizuar.