Flash News

Gjykata e Lartë kthen për rigjykim ankimimin e Arbër Veliajt

Goditet Call Center-i në Tiranë/ Në pranga një nga organizatorët dhe 6 punonjës

Sherri me leva dhe të shtënat me armë në Tiranë, policia reagim zyrtar

“Mbrojmë votën”, Berisha zbulon sloganin e protestës së 16 Majit

Aksident te Shkalla e Tujanit, humbin jetën dy të rinj

E-TJERA

FDA miraton ilaçin që ngadalëson përparimin e sëmundjes Alzheimer

Politiko 8 Janar 2023, 17:09

FDA miraton ilaçin që ngadalëson përparimin e

Administrata Amerikane e Ushqimit dhe Barnave (FDA) miratoi së fundmi një ilaç të ri që duket se ngadalëson përparimin e sëmundjes Alzheimer. FDA tha se Leqembi i njohur kimikisht si lecanemab do t’u jepet pacientëve me faza të lehta ose të hershme të sëmundjes së përkeqësimit të trurit. Ilaçi është i pari i këtij lloji që u tregon bindshëm studiuesve se mund të ngadalësojë rënien e kujtesës dhe të të menduarit. Ilaçi pritet të kushtojë rreth 25,000 dollarë në vit për një pacient të vetëm.

Agjencia tha se vendimi i saj bazohej në një provë të 856 pacientëve me Alzheimer. Në fund të shtatorit, Eisai dhe Biogen, kompanitë që zhvilluan ilaçin, njoftuan se një provë klinike e fazës 3 me 1,795 pacientë zbuloi se Leqembi ngadalësoi rënien njohëse te njerëzit që e morën atë me 27% pas 18 muajsh. “Ky ilaç nuk është një kurë. Nuk i ndalon njerëzit të përkeqësohen, por ngadalëson në mënyrë të matshme përparimin e sëmundjes”, tha neurologu Joy Snider në një intervistë për NBC. “Kjo mund të nënkuptojë se dikush mund të ketë gjashtë muaj deri në një vit shtesë për të ngarë makinën.” Ekspertët mjekësorë thanë se ilaçi vjen me anë negative, duke përfshirë efektet anësore të mundshme si ënjtja e trurit dhe nevoja për infuzione dy herë në muaj. Sfida në marrjen e ilaçit te pacientët është pengesa e radhës, pasi mund të kalojnë disa muaj para se të shpërndahet dhe siguruesit duhet të vendosin nëse dhe si do të mbulojnë koston e lartë të ilaçit. Sipas ekspertëve të shëndetësisë, gati gjashtë milionë amerikanë vuajnë nga Alzheimer dhe miliona të tjerë vuajnë nga kjo sëmundje në mbarë botën.

FDA miraton ilaçin që ngadalëson përparimin e

Sëmundja e Alzheimerit gradualisht sulmon zonat e trurit të nevojshme për kujtesën, arsyetimin, komunikimin dhe detyrat e përditshme. Shkencëtarët kanë zhvilluar një test gjaku për të diagnostikuar sëmundjen e Alzheimerit pa pasur nevojë për skaner të trurit ose për ndërhyrje të dhimbshme ku një mostër e lëngut cerebrospinal (CSF) merret nga pjesa e poshtme e shpinës. Nëse rezulton efektiv, testi mund të mundësojë diagnozë më të shpejtë të sëmundjes, që do të thotë se terapitë mund të fillojnë më herët. Alzheimeri është forma më e zakonshme e demencës, por diagnostikim mbetet i vështirë, veçanërisht gjatë fazave të hershme të sëmundjes.