Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Fëmijës së vogël i thoshin se i ka vdekur nëna"/ Zbardhen dëshmitë e Mexhit Picarit, Dhurata Saliajt dhe avokatit në gjykatë

Politiko 8 Qershor 2021, 10:42

"Fëmijës së vogël i thoshin se i ka vdekur

Gjykata e Tiranës ka caktuar masën e sigurisë "arrest me burg" për Mexhit Picarin dhe vajzën e tij Dhurata Saliaj. Katër ditë më parë Picari vrau dhëndrin e tij, Kudrejt Saliaj në një lokal pranë Gjykatës së Tiranës, para seancës gjyqësore, ndërsa vajza e tij dyshohet si bashkëpuntore në krim. Kudret dhe Dhuarata Saliaj ishin ne proces divorci me njëri-tjetrin.

Para togave të zeza, Mexhit Picari ka mohuar akuzat se armën e ka marrë nga çanta e vajzës së tij, duke e përjashtuar atë nga ndonjë lidhje me ngjarjen. Ai i kërkoi ndjesë vajzës së tij, Dhurata Saliajt se i ka vrarë burrin, po ashtu dhe nipërve dhe mbesave.

"Kërkoj ndjesë publikisht për çfarë kam bërë edhe falje. Të më falin nipërit dhe mbesat, i kërkoj falje edhe vajzës që i vrara burrin. Dhurata s'ka patur dijeni. Pistoletën e kisha në brez dhe se mora në çantën e gocës", ka thënë Mexhit Picari në Gjykatë.

Ndërsa Dhurata Saliaj tha se nëse do kishte dijeni për vrasjen, nuk do e kishte lejuar babain e saj ta kryente krimin. Mes të tjerash Dhurata Saliaj ka kërkuar mëshirë.

“Atë ditë isha për gjykatë. S’e dija që babi do bënte vrasje. S’do e lejoja kurrë. Kudreti ishte babai i fëmijëve të mi, s’do e lejoja. Kërkoj mëshirë nga Gjykata, kam tre fëmijë për të rritur”, tha ajo para togave të zeza.

Avokati i Mexhit Picarit, Lorenc Liço ka thënë se shkak i ngjarjes ka qenë fakti se fëmijës së vogël të çiftit, që jetonte me viktimën, i kishin thënë se e ëma i ka vdekur dhe nuk kishte ku ta takonte. Ai tha në gjykatë se autori Mexhit Picari i kishte blerë vilë dhëndrit të tij, në mënyrë që ai dhe e bija, Dhurata Saliaj, të jetonin mirë.

"Kudretit Vjehrri i bëri vilë 3-katëshe, i fali 2 dynym tokë në autostradë. i bleu fuoristradë të re pasi ai donte që vajza e dhëndri të jetonin mirë. 8 muaj më parë Kudreti i ka kthyer vajzën Mexhitit të dhunuar, Kudreti e kishte rrahur në një pyll dhe i ka kërcënuar familjarisht. Kudreti i ka kërcënuar më herët me armë për t'i vrarë familjarisht. Psikologia e caktuar nga gjykata duhej të ishte e njëanshme, por ajo ishte në tavolinë me palën kundërshtare. Mexhiti se ka njohur fare avokatin Adriatik Camaj (i cili mbeti i plagosur) e s'ka patur qëllim të keq ndaj tij. Ndërsa fëmijës së vogël të Dhuratës i thoshin nëna ka vdekur e s'ke ku e takon. Ky ishte shkaku i ngjarjes së rëndë", ka thënë avokati i Mexhit Picarit.