Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Firmoset marrëveshja me SHBA për gazin e lëngshëm natyror, Rama: Ratë në ‘kurth’, më shumë arsye të qëndroni këtu

Politiko 12 Mars 2021, 18:32

Firmoset marrëveshja me SHBA për gazin e lëngshëm natyror,

Një zhvillim fantastik për Energjetikën Shqiptare dhe një sukses domethënës për marrëdhëniet Shqiptaro-Amerikane

Është nënshkruar marrëveshja e Bashkëpunimit midis Shqipërisë e SHBA, përmes Ministrisë së Infrastrukturës e Energjisë dhe Exxon Mobil & Excelerate Energy, për futjen e gazit të lëngshëm natyror nga Amerika (LNG) në Shqipëri.

Ky projekt përfshin konvertimin e TEC-it të Vlorës me LNG, ndërtimin e një terminali të ri gazifikimi dhe shpërndarjen e LNG, duke e shndërruar Vlorën në një HUB rajonal për gazin e lëngshëm.

Gjatë fjalës së tij, në ceremoninë e nënshkrimit të marrëveshjes, kryeministri Edi Rama tha se epoka e artë e gazit po shfaqet mirëfilli në vendin tonë.

“Zhvillimi i këtij projekti me lider të kësaj industrie, për ta bërë këtë projekt realitet është një hap shumë i rëndësishëm për Shqipërinë dhe shqiptarët. Ky është projekti i dytë madhor, pas atij për ndërtimin e hidrocentralit më të madh, atij të Skavicës. Asnjë prej të dyjave nuk mund të kishte qenë e mundur pa dikë, që është këtu…natyrisht është grua, sepse vetëm gratë e forta i bëjnë të mundura këto gjëra. Është ambasadorja amerikane, ajo që e shtyu një hap më tej, duke i dhënë shtysë kësaj marrëdhënieje. Dua të falënderoj edhe dikë tjetër që ka dhënë shumë për këtë projekt, pasi duke transformuar Vlorën në një qendër për gazin e lëngshëm natyror, duke ia dalë që të vëmë në jetë një nga investimet e të së kaluarës është e rëndësishme.

130 milionë dollarë u shpenzuan shumë keq, e di që për Egzonin këto janë qindarka, por për Shqipërinë është një vlerë e jashtë zakonshme. Ky është një hap i jashtëzakonshëm, dhe siç thuhet, nuk e di nëse e keni në Amerikë, por ne në shqip e kemi shprehjen, me një gur vrasim dy zogj. Epoka e artë e gazit, po shfaqet në Shqipëri. mund të jetë veçanërisht e artë, për këtë anë të Ballkanit. Kur të shkruhet historia e plotë e shekullit 21, do të reflektohet edhe kjo.

Ndoshta nuk është ndonjë gjë e madhe për kompaninë Egzon Mobile, por sërish është me rëndësi të ketë emrin në këtë anë të botë,s duke treguar fuqinë e rëndësishme mes vendeve tona. Faleminderit shumë të gjithëve, nuk jam i lumtur që nuk jam atje, por shpresoj të jetë vetëm fillimi dhe ndoshta gjëra të tjera, do të dalin prej kësaj.

Shqipëria nuk është një vend për të shkuar për ata që nuk e njohin, por ata që vijnë nuk ndahen dot prej saj. kështu që miku im, keni rënë në kurth dhe e ardhmja do ju japë më shumë arsye për të qëndruar në Shqipëri”, u shpreh Rama.