Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Flet 'biznesmenia' e inceneratorëve: Pastroj pallatet e deputetëve, nëse kam biznese të m’i japin

Politiko 13 Korrik 2022, 14:23

Flet 'biznesmenia' e inceneratorëve: Pastroj pallatet e

Merita Hajdari është e moshuara së cilës i doli emri si biznesmene dhe pronare e një kompanie miliona dollarëshe e përfshirë në aferën e inceneratorëve.

Teksa foli për News 24, Hajdari ka mohuar të ketë biznes apo pasuri. E moshuara u shpreh para kamerave se puna e saj ka qenë fillimisht mbledhja e kanoçeve dhe më pas ka filluar të merret me fruta perime.

E moshuara shtoi po ashtu se pastron edhe pallatet e deputetëve. Hajdari tha se është invalide dhe për këtë arsye i kanë hequr edhe ndihmën ekonomike të cilën merrte para shumë kohësh.

Hajdari deklaron se nuk ka dijeni për firmën dhe as nuk i njeh personat e përfshirë në aferë.

“Unë jam njeri me hallet e mia, nuk merrem me qeveri, ose të m’i japin këto bizneset, që të jem dhe unë me shtëpi e katandi, të mos punoj dhe unë. Këtë dua unë, të bëhet drejtësi, të mos më nxjerrin në gjithë botën. Kam pas mbledhur edhe kanoçe, tani punoj në këto fruta-perime i seleksionoj, shkoj laj dhe pallatet te deputetët. Bëj punë të zezë, pa licensë, se nuk më merr njeri në punë mua se jam sakate, nuk i komandoj duart, që kur jam djegur. Kam 13 vite me azëm, me alergji dhe me gjak të prishur, kushedi sa herë jam shtruar në spital. Kam qenë dhe me ndihmë ekonomike, merrja 40 mijë lekë, dhe ma hoqën, sepse më thanë që s’më takon, pasi jam invalide. Unë kërkoj drejtësi, kush m’i ka bërë mua këto, kush i ka hedhur në emrin tim ato biznese, që të m’i jap mua, se kam dalë në gjithë publikon, më vjen turp të dalë rrugës. Unë nuk i njoh fare këta persona, që kanë firmosur. Dua drejtësi, se po çmendem nga stresi, nga sikleti”, thekson moshuara.

Kujtojmë se emri i Merita Hajdarit doli në skemën e inceneratorëve pas denoncimit që bëri kryetarja e LSI-së, Monika Kryemadhi, e cila foli për evazionin fiskal të rreth 500 kompanive. Dje SPAK ka urdhëruar pezullimin e aktivitetit të tyre.

Të fundit