Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Flet ish-zyrtarja e FBI-së: Pse McGonigal rrezikon hetimet e mëdha dhe lidhja e tij me spiunin e CIA-s

Politiko 26 Janar 2023, 10:56

Flet ish-zyrtarja e FBI-së: Pse McGonigal rrezikon hetimet e mëdha dhe

Tracy Walder, ish-oficere e CIA-s dhe agjente special e FBI-së, ka folur mbi dosjen e ish-kolegut të saj Charles McGonigal.

Walder foli për ‘Scripps News’ për atë që mund të cilësohet një nga rastet më të rënda të një zyrtari të FBI-së që minon byronë. McGonigal ka qenë kolegu i Walder dhe ai që ka udhëhequr punën e saj të kundërzbulimit në Kinë, detyrë të cilën ish-zyrtari e vazhdoi deri në vitin 2018 kur doli në pension.

“Përgjigja ime ndaj akuzimit të Charlie McGonigal ishte tronditje, zemërim dhe më pas shqetësim”, tha Walder.

Qeveria e SHBA thotë se ndërsa ishte ende në FBI, McGonigal dyshohet se ka punuar me një ish-oficer shqiptar të inteligjencës dhe një shqiptar të punësuar nga një konglomerat energjetik kinez. Ai gjithashtu kishte një marrëdhënie të vazhdueshme me kryeministrin Edi Rama dhe detyroi FBI-në të hetonte një shtetas amerikan që lobonte kundër partisë politike të kryeministrit.

Pas daljes në pension sipas prokurorëve federalë, McGonigal dyshohet se ka punuar në emër të oligarkut të sanksionuar rus Oleg Deripaska, pavarësisht se e kishte hetuar atë në FBI.

E pyetur sesa thellë mund të shkojë inflitrimi i Rusisë në komunitetin e inteligjencës amerikane, Walder tha: “Besoj se infiltrimi i Rusisë në komunitetin e inteligjencës shkon jashtëzakonisht thellë. Ndjej të njëjtën gjë edhe për Kinën dhe disa organizata të tjera të inteligjencës së huaj.”

Ajo u shpreh e befasuar nga McGonigal pasi në kohën kur kanë punuar së bashku, sipas saj, nuk kishte shfaqur asnjë sjellje të dyshimtë.

"Unë mendoj se në atë kohë, asgjë nuk më binte në sy. Siç e dini, si një person që blihet, në thelb, nga oligarkët rusë, asgjë nga këto nuk më binte në sy. A ishte ai një person i sjellshëm? Jo. A ishte i vështirë Po. Por kjo nuk më dalloi si e pazakontë në vetvete”, tha Walder.

Walder shtoi se vite më parë, pati një varg incidentesh ku informatorët e CIA-s u burgosën ose u vranë në Kinë dhe pas kësaj nisi hetimi për një spiun të mundshëm.

"Charlie punoi një nga rastet më të mëdha dhe më të ndjeshme të kundërzbulimit që kishte CIA. Pra, rreth vitit 2010, CIA vuri re se disa nga asetet e tyre njerëzore në Kinë ose po zhdukeshin, po vriteshin, po thaheshin dhe ata dyshuan se kishte një spiun brenda agjencisë së tyre. Dhe kështu FBI-ja, thirri për të kryer hetim," tha ajo. "Dhe kjo vazhdoi për rreth dy vjet. Dhe personi që ata gjetën ishte një punonjës i CIA-s i quajtur Jerry Lee. Ai po i jepte qeverisë kineze emrat e burimeve të CIA-s në Kinë dhe Charlie ishte personi i ngarkuar për ta gjetur atë."

Walder thotë se një vlerësim i dëmit, një rishikim i klasifikuar i karrierës së gjatë të McGonigal, mund të zgjasë muaj apo edhe vite. Kjo mund të vërë në rrezik dënimin e Jerry Lee. Lee u shpall fajtor në vitin 2019 për komplot për të spiunuar për Kinën.