Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Flet vëllai i shqiptarit që vari veten në Greqi: E vranë policët, t'i bëhet autopsia në Shqipëri

Politiko 7 Dhjetor 2021, 12:06

Flet vëllai i shqiptarit që vari veten në Greqi: E vranë

Familjarë të Adem Rusit, shqiptarit që u raportua se kishte vrarë veten në furgonin e policisë kanë ngritur disa akuza. Kujtojmë që ngjarja ndodhi më datën 2 dhjetor dhe autoritetet greke thanë se Rusi vari veten teksa po transportohej nga spitali i Amfisës drejt burgut të Malandrinos.

Ky i fundit njihet ndryshe si "ferri" për shqiptarët, pasi shumë persona që kanë vuajtur dënimin aty janë keqtrajtuar dhe të tjerë janë vetëvrarë. Vëllai i viktimës, Shkëlqim Rusi tha për mediat se viktima ishte vrarë nga policët grekë.

Ai tregoi se kishte folur me të vëllanë tre orë para se të ndodhte ngjarja dhe se nuk kishte konstatuar asnjë shqetësim apo problem. Rusi u shpreh për mediat se i vëllai i tij kishte dhe shumë pak kohë burg, pasi i mbaronte koha e vuajtjes së dënimit.

“Unë kisha folur 3 orë para ngjarjes me vëllanë në mënyrë private, më pas më mori në telefon drejtori i burgut dhe më tha se e kemi dërguar në spital për vizitë mjekësore rutinë. Pastaj, më thanë që kishte pirë klorinë dhe pas kthimit nga spitali vari veten me lidhësen e këpucëve. Kjo për mua është e papranueshme, është vrasje. Vëllai kishte edhe 2-3 muaj burg që të mbaronte dënimin”, tha Shkëlqim Rusi.

Ky i fundit kërkoi që autopsia të bëhet në Shqipëri, ndërsa e cilësoi prallë, versionin e dhënë nga autoritetet greke.

“Kjo është e papranueshme, nuk lejohet shoqërimi i të burgosurit me rrip apo lidhëse, për më tepër je me pranga dhe i shoqëruar. Kjo është një përrallë që thonë autoritetet greke. Ne kërkojmë që të bëhet autopsia këtu në Shqipëri, pasi presim të vijë këto ditë. Të bëhet autopsia pasi shteti jonë vetëm fle gjumë, janë vrarë shumë shqiptarë atje. Pas vëllait tim mund ta ketë radhën dikush tjetër dhe nuk është zbardhur asgjë”, deklaroi Rusi.

Të fundit