Forza Italia në Kongresin e 30-të: Duhet të jemi pranë demokracisë shqiptare

Mbështesin demokracinë në Shqipëri e gjithmonë në kujdesje të ruajtjes së saj e të miqësisë me të djathtën shqiptare e Partinë Demokratike.

"Rrënjët e së ardhmes" që tema e zgjedhur nga Partia Forza Italia për Kongresin e saj të 30.

Eskluzivisht për Syri Tv, kanë folur gjatë këtij eventi eksponentët të rëndësishëm të Forza Italia.

Deputetja Silvia Bergamini, Drejtuese e Departamentit të Politikës së Jashtme e raportet ndërkombëtar për Syri Tv thotë se "janë me mijëra persona nga e gjithë Italia që sot kanë dashur të jetë këtu. Nuk është vetëm ditëlindja e Forza Italia, që rrëfen lindjen e Forza Italia, lindjen e së djathtës italiane, lindjen e një Italie liberale drejtuar nga Forza Italia drejt sukseseve të mira. Sot ne rinovojmë impenjiimin tonë që të çojmë përpara vlerat e betejat politike që na kanë dalluar gjatë këtyre viteve e që kanë fituar konsensusin e mjaft votuesve tanë.

Po si janë raportet e Forza Italia me Partinë Demokratike Shqiptare?

"Janë 30 vite dhe marrëdhënie mes Forza Italia e Partisë Demokratike Shqiptare. Kujtoj se lideri ynë Silvio Berlusconi që ka qenë dhe Ministër i jashtëm kishte një vëmendje të veçantë ndaj Shqipërisë. Mendonte se ishim dy vende vëllezër e mendonte se çdo formë bashkëpunimi mes dy vendeve ishte e rëndësishme si një modë për të zgjidhur problemet së bashku, problemet politike të Mesdheut, që janë të shumta. Si drejtuese e Departamentit të Politikave të Jashtme të Forza Italia them se kemi marrëdhënie me të gjitha forcat e djathta shqiptare e po përpiqemi që për demokracinë shqiptare e duhet të jemi pranë."

Po a po ndiqni c 'po ndodh me liderin e saj Sali Berisha? Demokratët shqiptarë janë të preokupuar për këtë persekutim politik që po bëhet.

"Me Sali Berishën kemi qënë kolegë në Këshillin e Europës, ishte mik mjaft i mirë i liderit tonë Silvio Berlusconi. Nuk njoh mirë e aq me detaje çështjen e tij e nuk mund të bëj komente mbi vendet e tjera. Por sigurisht puna ime e puna e të gjithëve është të kemi raporte me demokracinë shqiptare."

Kryetari i grupit Parlamentar në dhomën e deputetëve Paolo Barrelli.

-30 vite histori e Forza Italia e 30 vite histori marrëdhënie mes të djathtës italiane e Partisë Demokratike shqiptare.  Cfare mund të thoni për të djathtët shqiptarë?

Paolo Borrelli: Mendoj se populli shqiptar, publiku por dhe telespektatorët shqiptarë kanë njohur mirë Silvio Berlusconin. E kanë njohur përmes televizonin por jam i bindur se e jo vetëm e njohin por dhe e duan atë. Silvio Berlusconi jo vetëm krijoi televizionin modern e privat në Itali e Europë  por ishte dhe një lider që ndryshoi historinë e politikës dhe shoqërisë italiane. 30 vite më pas është akoma aktual e i dashur nga të gjithë.

Tema që keni zgjedhur në këtë Kongres është "Rrënjët e së ardhmes". Kush janë rrënjët e kësaj historie?

Rrënjët e historisë të së djathtës janë  ato që vendosën themelet e shoqërisë e politikës italiane por dhe asaj europiane. Pas rrënjëve kemi pemën që do të rritet dhe për 30 vite të tjera."

Senatorja Stefania Craxi, Kryetare e Komision të Çështjeve të Jashtme e Mbrojtjes në Senatin Italian, e vajza e ish Kryeministrit italian Bettino Craxi e prej vitesh një nga eksponentet politike më të rëndësishme e Forza Italia për Syri Tv shprehet:

"Kam trashëguar ndjenja të forta miqësie për Shqipërinë e për shqiptarët që arritën t'ia dalin një beteje të madhe për lirinë. I kam trashëguar nga historia e familjes time, nga babait im Bettino Craxi. E kanë kontribuar dhe në ngritjen e Forza Italia. Ky raport miqësie e ndjenje e fortë, vazhdojnë e janë të forta dhe sot me Shqipërinë".

Marrë nga Syri TV