Flash News

Zyra sekrete e patronazhistëve të PS, mes tyre drejtoresha e Agjencisë së Ekselencës

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

Tensione te streha e patronazhistëve në Tiranë, Braçe shpërthen në kërcënime, policia rri duarkryq

U procedua penalisht, reagon Flamur Noka: Preka interesat e mafies së pushtetit në Vorë

E-TJERA

Francesco Becchetti do të apelojë në Gjykatën Evropiane marrëveshjen Itali-Shqipëri për emigrantët

Politiko 11 Janar 2024, 11:09

Francesco Becchetti do të apelojë në Gjykatën Evropiane

Mediat italiane japin sot lajmin se sipërmarrësi italian Francesco Becchetti, pronar i televizonit Agon Chanel, do të apelojë në Gjykatën Europiane marrëveshjen mbi emigrantët mes Italisë e Shqipërisë.

Sipërmarrësi italian, i cili ka fituar një gjyq ndërkombëtar kundër qeverisë shqiptare për persekutimin ndaj tij e mbylljen e televizionit shqiptar Agon Channel me një dëmshpërblim prej 135 milionë euro nga qeveria e Edi Ramës, ka informuar qeverinë italiane mbi sekuestrimin e së njëjtës vlerë për shumat që Italia synon t'i paguajë Shqipërisë me marrëveshjen për emigrantët.

Sipërmarrësi Becchetti ka informuar se do të paraqesë një apel në Gjykatën e Drejtësisë së Bashkimit Europian. Duke deklaruar se norma "është një akt shumë i rëndë arbitrariteti, ndaj personit dhe i paligjshëm", Becchetti kërkon sekuestrimin e të gjithë shumës "deri në  135 milionë euro", të cilat qeveria italiane ka marrë përsipër t'i paguajë Shqipërisë në bazë të protokollit të 6 nëntorit 2023.

Nëpërmjet avokatëve të tij, në nëntor të 2023, sipërmarrësi italian ka informuar Presidencën e Këshillit të Ministrave dhe të gjitha ministritë e qeverisë italiane me një fletë sekuestro, në mënyrë që të sekuestrohen të gjitha shumat që qeveria italiane ka marrë përsipër t'i paguajë qeverisë shqiptare në bazë të protokollit të datës 6 nëntor 2023.

Francesco Becchetti do të apelojë në Gjykatën Evropiane
Artikulli i gazetës italiane

Të fundit