Flash News

Mbyllet mbledhja, Noka: Nga nesër, drejtuesit do të jenë në bazë

I ngritur nga një grup kriminal, parandalohet futja e një droni në burgun e Burrelit

Të shtëna me armë zjarri në Golem, një i plagosur

Berisha me drejtuesit politik në qarqe: Të garantojmë shqiptarët se vota e tyre s’do varroset pa hyrë në kuti

Nga Nikolla te Shalsi dhe Braçe/ PS zgjedh Kryesinë e re, emrat që mbetën jashtë

E-TJERA

Fryrja e listave në Himarë, nënkryetarja e KQZ: U shtuan 311 votues, duhet hetim!

Politiko 3 Gusht 2024, 18:05

Fryrja e listave në Himarë, nënkryetarja e KQZ: U shtuan 311

Banorët e Himarës do të votojnë të dielën e 4 gushtit për të zgjedhur kreun e ri të bashkisë.

23 mijë e 74 qytetarë janë me të drejtë vote, që do të zgjedhin mes dy kandidatëve, Vangjel Tavo i socialistëve dhe Petro Gjikuria i opozitës.

Por, listës së zgjedhësve në Himarë i janë shtuar 311 votues të rinj të cilët janë transferuar me banim nga bashkitë e tjera. Sipas nënkryetares së Komisionit Qendror të Zgjedhjeve, Lealba Pelinku shifra është dyshuese, çka është konfirmuar sipas saj dhe nga Drejtoria e Gjendjes Civile. Pelinku thotë se do të kërkojë hetim të mëtejshëm për këtë.

“Siç duket në pamje të parë është evidente, 1/3 e 311, pra 93 zgjedhës të spostuar vetëm në 4 ditët e fundit është një indicie shumë e fortë për të kuptuar që kjo është bërë në funksion të procesit zgjedhor. Por, ligjërisht kjo është diçka që kërkon hetim të mëtejshëm dhe KQZ, unë në cilësinë e nënkomisionerit do të kërkoj informacion të mëtejshëm. Përgjigja që kemi marrë dje nga Drejtoria e Përgjithshme konfirmon këto dyshime. Them konfirmon sepse nëse kemi 311 të spostuar nga lista e fundit e prillit 2023 - korrik 2024, 93 janë spostuar vetëm në harkun kohor të pesë ditëve, nga data 5 korrik, pra nga data e daljes së dekretit, në datën 10 korrik, datë e cila ka qenë e fundit e mundshme ligjërisht për t’u miratuar kërkesa për transferim”, tha Pelinku në një intervistë për A2 CNN.

NJë tjetër shqetësim që lidhet me këto zgjedhje për numrin 2 të KQZ janë operatorët e identifikimit elektronik.

“Lidhur me procesin aktual duhet thënë që e kishim pritshmërinë që do të hasnim në një vështirësi të shtuar kjo si pasojë edhe e sezonit në të cilën ndodh, një periudhë në raport me procesin zgjedhor e papërshtatshmja dhe duhet thënë që falë një angazhimi, si të thuash, duke qenë se ishte në fokus vetëm bashkia Himarë, ka pasur një angazhim të shtuar për sa i takon gjetjes së operatorëve dhe deri në momentin që flasim mund të themi që çdo qendër votimi është e mbuluar me operatorë. Mund të ngelet gjithnjë rreziku që në moment të fundit, në orën 06:00 apo 06:30, orar në të cilën operatori duhet të paraqitet, të kemi tërheqje, e cila na pamundëson zëvendësimin duke pasur parasysh që Komisioni i Qendrës së Votimit në orën 07.00 duhet të çelë procesin”, tha ajo.