“Fshehja e viktimave”, Brataj: Janë mashtrime, po i bëjmë mish për top duke i nxjerrë gjithandej

Kreu i Urgjencës Kombëtare Skënder Brataj ka mohuar denoncimin e kryedemokratit se qeveria po fsheh numrin real të viktimave nga covid.

Ai u shpreh për 'Open' se diçka e tillë nuk ka si të ndodhë pasi atyre u bëhet tamponi për të parë nëse shkaku i vdekjes është Covid apo ndonjë sëmundje tjetër.

“Po i bëjmë mish për top duke i nxjerrë gjithandej. Të vdekurit janë të vdekur dhe nuk mund t’i fshehësh. Nuk e di ça thotë PD, unë jam në krah të mjekëve. Ne jemi specialistë.

Jemi me mjekët që luftojnë çdo ditë me vdekjen, që s’mundohen të denigrojnë një jetë njeriu. Në çdo vend të botës, të vdekurit ndahen, nga ato që dalin me tampon pozitiv nga virusi dhe pjesa tjetër kur del tamponi negativ, si do ta vë te lista e vdekjeve Covid. Nuk e luan topi. Tamponi vërteton nëse klasifikohet vdekje me Covid apo jo,” tha Brataj.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm