Fuga kritika mësuesve në 7 Mars: Mjafton një urim, mos plaçkitni familjet me dhurata!

Akademiku Artan Fuga ka shkruar disa rreshta në Ditën e Mesuesve, duke u ndalur te dhuratat që fëmijët dhe prindërit iu bëjnë mesuesve.

Përmes një postimi në Facebook, Fuga shkruan se mësuesit bëjnë mirë të mos i pranojnë dhuratat nga nxënesit dhe t’ua kthejnë me ëmbëlsi, në mënyrë që të mos plaçkisin familjet dhe të mos shkatërrojnë nderin e tyre profesional.

Fuga shkruan se mjafton një urim për mesuesit dhe jo gjëra të shtrenjta lule, telefona, buzëkuq, e dhurata të tjera më të shtrenjta.

Postimi i Fugës:

E them cdo 7 mars,

Mesues sidomos mesuese, urime per festen e shkolles. Nuk eshte festa vetem e mesuesit, por edhe e nxenesve, prinderve. Mos merrni dhurata materiale, mos i pranoni, kthejini mbrapsht me embelsi, mos shkaterroni jo vetem nderin tuaj profesional, por edhe figuren e mesuesit.

Bejuni dhurata nxenesve sot, mos merrni, mos plackisni familjet!

Ne asnje vend te qyteteruar mesuesi nuk rremben gjoja dhurata nga nxenesit, buzekuqe, brreke, ore te shtrenjta a te lira, kepuce, telefona, leke ne dore, sepse ky eshte degradim moral i shoqerise dhe i shkolles.

Nxenesit ju a japin, por nuk ka te beje me rolin e ndritur te mesuesit, kur rriten a shkojne ne stade te tjera e kujtojne kete xhest me neveri!

Eshte nje vjedhje, hajduteri, e fshehur gjoja pas respektit!

Fatkeqesi qe nuk kemi sociologe. Te shkojne ne dyqane dhe te shohin sot si rritet shitja e buzekuqeve, unazave, vatheve, telefonave, corapeve, kepuceve, bojes se flokeve, kremerave, per te matur shkallen e korrupsionit pedagogjik ne shoqerine tone!

Te lumtur shitesit! Sic thoshte Balzaku, taksat ushqehen nga vesi!

Po kur ka ca qe nuk e meritojne fare emrin e madh te mesuesit  qe thone: Epo lodhemi, ju japim dije, pagat i kemi te vogla, eshte rasti te n'a shperblejne pak familjet per punen qe bejme! U ngjajne hajduteve qe vjedhin per te rritur rrogen!!!

Rrisin pagat e vogla me ane te rrjepjes te familjeve qe kane edhe me pak te ardhura se ata.

Pranoni vetem nje urim, nje gjethe peme, nje shtrengim duarsh, nje kenge, nje fjale, por mos hyni ne moralin sundues te nje plackitjeje masive, te ndyre, te bekuar edhe nga institucionet, sepse torbat dhe qeset qe keni ne duar sot jane grushte qe u jepni edukates!

Une sot botoj cdo foto ku paraqitjen mesues me torbat e qese dhuratash te ndyra!

M'i dergoni!

Faleminderit