Flash News

Gjykata Speciale refuzon lirimin e Hashim Thaçit për të marrë pjesë në varrimin e babait

30 shtete bëhen bashkë për të dërguar trupa paqeruajtës në Ukrainë

Edi Rama e ka gojën plot me BE; por mos e hani

Aksident në afërsi të mbikalimit të Patokut, raportohet për 4 persona të lënduar

Kuvendi miraton Këshillin Drejtues të RTSH, Fatjon Hoxhalli zgjidhet kryetar

E-TJERA

Fyeu gjytarin Engert Pëllumbi, Komisioneri për Mbrojtjen nga Diskriminimi nis hetim për gazetarin

Politiko 17 Mars 2025, 22:08

Fyeu gjytarin Engert Pëllumbi, Komisioneri për Mbrojtjen nga

Komisioneri për Mbrojtjen nga Diskriminimi ka nisur hetim për diskriminim ndaj gazetarit Ilir Yzeiri.

Në një njoftim, Komisioneri sqaron se ky hetim vjen pas një shkrimi denigrues që Yzeiri shkroi për gjytarin Engert Pëllumbi. Në deklaratën e bërë, Komisioni u bën thirrje mediave të ruajnë Kodin e Etikës dhe të zbatojnë kuadrin ligjor që mbron dinjitetin e njeriut.

“Komisioneri për Mbrojtjen nga Diskriminimi u njoh përmes mediave dhe u sinjalizua me pretendimin për përdorimin në publik të gjuhës së papërshtatshme me konotacion denigrues, ndaj një gjyqtari të Gjykatës së Posaçme të Apelit, nga gazetari I. Y.


Komisioneri për Mbrojtjen nga Diskriminimi pas nxitjes në platformat e rrjeteve sociale ka urdhëruar nisjen e një hetimi kryesisht (ex-officio) për këto pretendime dhe do të ndjekë rastin sipas të gjitha parashikimeve ligjore.

Tejkalimi i lirisë së shprehjes, përmes përdorimit të gjuhës diskriminuese në media online dhe platformat e rrjeteve sociale, me rezonancë të lartë në shoqëri, nuk ndihmon në zhvillimin e një debati konstruktiv dhe të arsyeshëm në shoqërinë tonë.

Gjuha e urrejtjes është çdo formë e shprehjes në publik, me çdo mjet, e promovimit, nxitjes së denigrimit, urrejtjes ose shpifjes, çdo shqetësim, fyerje, stereotip negativ, stigmatizim ose kërcënim ndaj një personi ose grupi personash, si dhe çdo justifikim i të gjitha formave të shprehjes e bazuar në shkaqe diskriminimi.  (Ligji nr Nr. 10 221/2010).

Komisioneri për Mbrojtjen nga Diskriminimi fton botuesit dhe drejtuesit e mediave online të ruajnë kodin e etikës në media dhe të zbatojnë kuadrin ligjor që mbron dinjitetin e Njeriut në vendin tonë", thuhet në njoftim. 

Në lidhje me shkrimin denigrues ndaj gjyqtarit Pëllumbi, edhe Diaspora për Shqipërinë e Lirë pak ditë më parë kallëzoi penalisht Ilir Yzeirin.

Të fundit