Flash News

Mandati i EULEX-it në Kosovë zgjatet deri në vitin 2027

Shkatërrohet rrjeti i trafikantëve të drogës, 11 arrestime në Foggia, në qendër të hetimit një shqiptar

Gara për kreun e BKH-së, përfundon sot afati për aplikimet

Plagosi çiftin e bashkëshortëve në Rrogozhinë, ja kush është autori

Plagosi me armë fqinjët, vetëdorëzohet në polici autori

E-TJERA

Gazetarët u censuruan nga Spiropali, AGSH: Mashtrim e propagandë institucionale

Politiko 5 Qershor 2025, 11:00

Gazetarët u censuruan nga Spiropali, AGSH: Mashtrim e propagandë

Asociacioni i Gazetarëve të Shqipërisë ka reaguar ndaj censurës së gazetarëve nga ana e kryeparlamentares Elisa Spiropali, lidhur me konferencën e kësaj të fundit.

Në një reagim zyrtar, Asociacioni i Gazetarëve të Shqipërisë thotë se moslejimi i pyetjeve të gazetarëve nga ana e institucionit të Kuvendit, është jo vetëm një mashtrim institucional ndaj gazetarëve, por edhe një formë shmangieje nga përgjegjësia publike.

Sipas, AGSH, një komunikim njëdrejtimësh, pa mundësinë për të bërë pyetje, nuk është konferencë për shtyp, porse një propagandë.

"5 Qershor 2025
Mbi kufizimin e të drejtës për pyetje në “konferencën për shtyp” të Kryetares së Kuvendit, znj. Elisa Spiropali
Asociacioni i Gazetarëve të Shqipërisë shpreh shqetësimin e thellë për mënyrën sesi u zhvillua sot "konferenca për shtyp" e Kryetares së Kuvendit, znj. Elisa Spiropali, në ambientet e Kryesisë së Kuvendit.
Në njoftimin zyrtar të shpërndarë për mediat, gjatë datës 4 qershor dhe me tjetër njoftim me 5 qershor, u theksua qartë se bëhej fjalë për një konferencë për shtyp me gazetarët, duke krijuar pritshmërinë legjitime se do të lejohej parashtrimi i pyetjeve. Por, në përfundim të "konferencës" së saj, znj. Spiropali njoftoi papritur se “ky ishte një deklaratë dhe jo një konferencë për shtyp”, duke mos pranuar asnjë pyetje nga gazetarët e pranishëm.
Kjo sjellje është jo vetëm një mashtrim institucional ndaj gazetarëve, por një formë shmangieje nga përgjegjësia publike. Një komunikim njëdrejtimësh, pa mundësinë për të bërë pyetje, nuk është konferencë për shtyp. Është propagandë.
AGSH thekson se Kuvendi i Shqipërisë, si institucioni më i lartë përfaqësues, ka detyrim të garantojë transparencë dhe llogaridhënie të plotë ndaj publikut.
Refuzimi për të marrë pyetje në një format të lajmëruar si “konferencë për shtyp” përbën një precedent të rrezikshëm për standardet e komunikimit institucional dhe për lirinë e medias.
Ne i bëjmë thirrje Kryetares së Kuvendit të rikthejë menjëherë normalitetin në raportin me median dhe të respektojë plotësisht rolin e gazetarëve si garant i së vërtetës dhe interesit publik.."

Të fundit