Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Gazetari padit në SPAK ministren Belinda Balluku: Ka falsifikuar formularin e dekriminalizimit

Politiko 3 Nëntor 2021, 12:16

Gazetari padit në SPAK ministren Belinda Balluku: Ka falsifikuar formularin

Gazetari Kastriot Myftaraj është paraqitur në SPAK për të depozituar kallëzim penal ndaj ministres së Infrastrukturës dhe Energjetikës Belinda Balluku, me argumentin se mund të ketë falsifikuar formularin e dekriminalizimit.

Sipas Myftarajt, Balluku në formularin e dekriminalizimit, që është detyrë e çdo zyrtari për t’u plotësuar, nuk ka deklaruar njësoj udhëtimet jashtë Shqipërisë sikurse i ka pasqyruar në CV-në e saj. Myftarakj pohon se në CV, Balluku shkruan se ka kryer studime të larta në Athinë dhe më vonë ka kryer dy studime në dy periudha kohore të tjera në SHBA.

E kundërta ndodh me formularin e dekriminalizimit, ku Balluku ka thënë se ka jetuar jashtë Shqipërisë për më shumë se një muaj vetëm një herë në korrik-gushte dhe këtë e ka bërë për pushime në Cardiff të Britanisë së Madhe.

“Në fakt u paraqita për ta depozituar kallëzimin në përmbushje të detyrimit tim si qytetar dhe gazetar ndaj Belinda Balluku në cilësinë kandidates për deputete dhe plotësuese që duhet të përmbushë çdo kandidat dhe zyrtar në bazë të ligjit të dekriminalizimit. Balluku ka thënë se ka jetuar jashtë Shqipërisë për më shumë se një muaj vetëm një herë në korrik-gushte dhe këtë e ka bërë për pushime në Cardiff të Britanisë së Madhe. Ndërsa në formularin e dekriminalizimit ka dhënë të tilla vetëdeklarime, në CV-në e saj ajo thotë se ka kryet studimet e larta Universitare në Athinë që minimumi duhet të jenë tre vjet, thotë se ka kryer edhe dy studime në dy periudha të tjera në SHBA,” deklaroi Myftaraj.

Ai shtron dyshimet se ministrja e Infrastrukturës mund të ketë gënjyer për pjesën e shkollimit ose ajo ka qenë realisht jashtë Shqipërisë, gjë që nuk e ka deklaruar në formularin e dekriminalizimit.

“Ka dy gjëra. Ose zonja Balluku ka gënjyer dhe ka qenë jashtë Shqipërisë vetëm për 1 muaj për pushime, ose zonja Balluku ka qenë vërtet jashtë Shqipërisë por për arsye që i di ajo nuk i ka deklaruar dhe për këto ka përgjegjësi penale, sipas nenit 190 të Kodit Penal, për falsifikimin e formularëve. Më e pakta këtu ekziston dyshim i arsyeshëm që SPAK duhet të nisë hetim. Ajo mund të thotë se unë nuk jam shkolluar jashtë Shqipërisë. Në këtë rast nuk është fajtore thjesht kemi një ministre pa shkollë të lartë, me shkollë të mesme. Nuk ka përgjegjësi penale sipas nenit 190 të Kodit Penal,” shtoi gazetari.

I pyetur nëse beson se SPAK do të arrijë në një konkluzion të saktë dhe të besueshëm, Myftaraj përgjigjet “procedohet penalisht kryetari i bashkisë së Mallakastrës dhe lihet ministrja e Infrastrukturës dhe Energjetikës që ka në dorë 70% të parave të punëve publike që bëhen në Shqipëri? Nëse SPAK nuk përdor të njëjtin standard si Qerim Ismailaj e Belinda Ballukut më lind e drejta të kem dyshimin e arsyeshëm se SPAK ka marrë ryshfet dhe nuk e procedon penalisht.”