Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gazetari publikon videon: Policit të anti-drogës iu hodh tritol në oborrin e shtëpisë, autori u kamuflua me çadër

Politiko 7 Tetor 2021, 22:23

Gazetari publikon videon: Policit të anti-drogës iu hodh tritol

Gazetari Artan Hoxha ka publikuar një video se si në oborrin e banesës së një polici i është hedhur lëndë plasëse gjatë natës.

Video u publikua dhe u komentua nga gazetari në emisionin “Opinion” në Tv Klan, teksa thekson se elementet kriminale përdorin masa mbrojtëse për të mos u zbuluar nga policia.

“ Siç duket në video, autori përgatit me qetësi lëndën plasëse në oborrin e banesës. Që të mos i identifikohet fytyra ai mban një çadër edhe pse nuk bie shi. Pasi hedh tritolin, autori largohet me shpejtësi dhe pas disa sekondash ndodh shpërthimi. Ngjarja ka ndodhur ndërkohë që polici ka shkuar në punë, ndërsa në shtëpi ndodhej vetëm bashkëshortja dhe vajza e tij.

Punonjësi i policisë ka vendosur dhe kamera që të ruhet sepse ka qenë punonjës i Krimeve, madje edhe tek Antidroga ka punuar. Ky personi e di që aty ka kamera sigurie. Është në Janar, nuk ka shi dhe e monton në oborrin e tij me çadër që të mos duket. Punonjësi i policisë ka shkuar të marrë turnin e tretë. Ka lënë bashkëshorten dhe vajzën në shtëpi. Ai e monton dhe shiko ku ta hedhë.

Ai përdor një çadër që të mos duket si rasti që përmendët në fillim i Vermoshit. Dëshmitarët thanë që folën shqip. A e di që piloti ka qenë shqiptar? Piloti ka qenë shqiptar! A ka qenë në detyrë në Forcat tona të Armatosura, ta verifikojnë. Shiko si punon ai. Po e monton se e ka lidhur me fitil. E hodhi, iku dhe me atë çadrën aty hajde gjeje.

Ai e ka lënë fitilin pak të gjatë që të ikë vetë, prandaj është vonuar shpërthimi. Kjo kohë i ka dhënë atij që të largohet. Banesa ndodhet në periferi të qytetit dhe është vënë në këtë situatë. Kur kjo iu bëhet punonjësve të policisë vetë e kupton me çfarë kurajë do shkojnë të nesërmen? Policin nuk e mbron jeleku antiplumb, por autoriteti i shtetit. Nëse ke një shtet të mbaruar nuk ka antiplumb që të mbron”, tha Hoxha

Të fundit