Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gazetari Qyno: Vendndodhja e Aldi Ramës është gjetur nga sinjali i telefonit

Politiko 28 Shtator 2021, 22:25

Gazetari Qyno: Vendndodhja e Aldi Ramës është gjetur nga sinjali

Gazetari Elton Qyno ka treguar se vendndodhja e Aldi Ramës, autori i dyshuar i vrasjes së efektivit Saimir Hoxha, është gjetur nga sinjali i telefonit.

I ftuar në Open, gazetari thotë se Ramës i kanë ardhur shumë thirrje nga familjarët apo shoqëria e tij për ta pyetur se si është apo për ta këshilluar, por ai nuk u është përgjigjur.

Sipas tij, pikërisht këtu kanë filluar edhe dyshimet se ai ose ka kryer vetëvrasje ose se telefoni mund t’i kishte rënë në moçal, ku ishte fshehur për disa orë pasi nuk pranoi t’i dorëzohej policisë.

“Vetë autori i krimit e ka qëlluar dy herë, ai e ka identifikuar e ka qëlluar një herë dhe më pas kur doli nga makina, dy shokët e tij kanë bërë lëvizje të çorientuara, për shkak të veprimit. Dy efektivët janë përgjigjur. Ai ka marrë sërish makinën dhe është larguar.

Diku tek 8 herë kanë qëlluar efektivët. Armando Marku dhe Kristian Sherri policia e kuptoi se është nën presionin mediatik, i duhen dy persona të arrestuar. Ne nuk e dinim thonin ata, këtë alibi patën, nuk e dinim se çfarë do të kishte në trup. Kështu bie ‘mea culpa’ e policisë që ja i kemi arrestuar këta. Ai më pas largohet 1 km dhe braktis makinën dhe më pas hyn në zonën moçalore .

Është një terren që nuk mund ta përshkosh aq shpejt, kemi në terren moçali, ranor, ai është identifikuar nga telefoni. Është dërguar numri tek qendra në Tiranë. Ai ka pasur shumë telefonata hyrëse dhe nuk u është përgjigjur. E kanë marrë njerëzit e familjes, shoqëria për ta orientuar se çfarë ka bërë. Në momentin që nuk ka hapur asnjë telefonatë, në këtë moment ka dyshuar se telefoni i ka rënë në moçal ose ka bërë vetëvrasje.

Ai nuk u është përgjigjur asnjë thirrje telefonike. Ai është gjetur me dorën shumë pranë dhe me telefonin aty pranë. Dinamika se si janë gjetur sendet e tij, por dhe mënyra e plagës nga e djathtë në të majtë të bëjnë të dyshosh se është vetëvrasje.

Në dijeninë time nuk ka qëlluar helikopterin, pasi do të dilnin gëzhojat. Mund të ketë pasur edhe krisma nga policia. Mua nuk më rezulton që ka pasur shkëmbim zjarri. Gjithë forcat RENEA ishin në këtë vilë”, tha Qyno.

Të fundit