Gazetari zbulon personin krah Tahirit në drekën me ‘të fortët’ në qeli: Çfarë hipokriti! Në varrim i mbajti dhe fjalim

Një ditë më parë, u publikua një foto që ka tronditur jo pak opinionin publik.

Në foto shihet ish ministri i Brendshëm, Saimir Tahiri në qeli duke drekuar bashkë me Klement Balili i njohur si ‘Eskobari i Ballkanit’ dhe Safet Bajrin,  drejtuesi i klanit "Bajri" në Shkodër .

Personi i katërt në tavolinë, që ndodhet krah Tahirit nuk ishte i qartë, por gazetari Flamur Vezaj shkruan sot se bëhet fjalë për Klodian Selimin nga Lazarati, i dënuar me 13 vite burg si bashke I pandehur në vrasjen e efektivit të RENEA-se Ibrahim Basha.

Madje, në ceremoninë mortore të Bashës, Tahiri mbajt edhe fjalim, por disa vite më pas ulet në tryezë me njërin nga bashkë autorët e asaj ngjarje.

Postimi i plotë:

Gjate dites se djeshme postova nje foto nga burgu i Lushnjes mes disa te denuarve! Mes tyre “ish-kampioni” qe “luftoje” krimin Saimir Tahirit, bashke me “eskobarin” Kelmend Balili dhe kreun e bandes se Bajrave, Safet Bajri! Por personi tjeter deri dje ishte i paidentifikuar pasi edhe foto ishte jo cilesore!

Por Sot e konfirmova se personi ne krah te Tahirit eshte Klodian Selimi nga Lazarati i denuar me 13 vite burg si bashke I pandehur ne vrasjen e efektivit te RENEA-se Ibrahim Basha! Ne ceremonin mortore, Tahiri mbajti fjalim te mbushur me emocione! Por 7 vite me pas ne vitin 2022 (kur edhe eshte bere fotoja) ky Tahiri hipokrite drekon me njerin nga bashke autoret e asaj ngjarje! Cfare turpi! Cfare morali!! Si ndihen familja e efektivit te ndjere Basha e koleget e tij!?

Ndersa per njofitmin e burgjeve, dreka thone sherbehet ne qeli, e sakte por burgu nuk sherben ne menun e saj mish zgare!! E ne foto ne asnje vend nuk ka pilaf, fasule apo makarona qe sherbehet ne burg! Por ne foto duket qarte qe nuk eshte ushqim i Burgut!

Pijet, thone se jane freskuese!? Ne asnje vend nuk shoh vec ujit dhe disa shishe me nje leng te zi, e gota gjysem te mbushura! Nuk ndodh qe shisheve te koka-kolave ti hiqet etiketa apo e sherbehet me gota gjysem te mbushura!

Vec ketyre, mendoje qe burgu nuk i Bashkine keto ne nje qeli se aty kishte plot te tjere por Tahiri, preferoje te hane dreke me te fortet Balili e Bajri!