Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gazetarja: 35 refugjatë në kampin e Gjadrit kanë tentuar vetëvrasjen

Politiko 29 Prill 2025, 10:17

Gazetarja: 35 refugjatë në kampin e Gjadrit kanë tentuar

Gazetarja Alba Kepi komentoi dëbimin e fundit të emigrantëve dhe azilkërkuesve nga Italia dhe aprovimin nga qeverisë shqiptare për t’i strehuar në kampin e Gjadrit.

Në “Kafe Shqeto”, Kepi tha se 35 refugjatë në kampin e Gjadrit kanë tentuar vetëvrasjen.

"Janë pjesë të ndryshimit që ndodhi pak javë më parë, pasi ata nuk kanë mbërritur nga ujrat ekstraterritoriale, por nga territori italian, ku atje kanë marrë urdhëra dërbimi.

Disa prej tyre janë të dënuar për dhunë seksuale, për pedo-pornografi, ka prej tyre që janë persona me rrezik për sigurinë e rendit publik, pra të gjithë këta kanë marrë urdhëra për dëbim nga territori italian, me përjashtim të njërit (nga 41 gjithsej), të cilit kur kanë mbërritur në ditët e para, ky person është evidentuar dhe ka një ngatërresë administrative, pasi nuk kishte marrë urdhër dërbimi, duke mos u pranuar në Gjadër dhe është kthyer menjëherë në Itali.

Gjithashtu, më shqetësuese është se kemi 35 në dy javë, 35 episode të personave që kanë tentuar vetëvrasje, persona që kanë marrë kurim në qytetin e Lezhës dhe ne kemi zero informacion për këto ngjarje, edhe pse jemi shqiptarë dhe jetojmë aty, por vijnë eurodeputetë nga Strasburgu, të cilët kërkojnë të gjejnë e të zbardhin episode të tilla, kaq të hidhura e problematike për personat që kanë tentuar vetëvrasjen, duke u lidhur dhe tek tubat e zjarrfikëses brenda strukturës së Gjadrit.

Madje janë sinjalizuar edhe elemente kritikë, pikërisht mbi projektimin e këtyre qendrave, pasi thuhet se kush ka probleme psiqike dhe kush nuk duron dot të qëndrojë në atë strukturë, mund të kryejë një hap vetëvrasjeje, pasi vetë projekti në atë strukturë e lejon këtë gjë.

Këtu kanë konfiguruar tavanin e dhomave të qendrave, ku kalojnë tubat e sistemit të zjarrfikëses apo sigurisë, të cilët mund të përdoren mjaft lehtë për të kryer hapa të tillë vetëvrasjeje.

Kjo çështje shkon më thellë, duke thënë se janë sinjalizuar se këta emigrantët apo ata azilkërkues janë pasur persona të dëbuar e të rrezikshëm. Mund t’i quajmë si doni, por gjithsesi, këta janë persona që në kushtet ku ndodhen, duhet t’u garantohet dinjiteti dhe liria e tyre deri në momentin që nuk largohen apo dëbohen me urdhër ligjor".

Të fundit