Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gazetarja: Për masakrën e Dobraçit po hetohet edhe njeriu i Ervis Martinajt

Politiko 18 Shkurt 2025, 22:22

Gazetarja: Për masakrën e Dobraçit po hetohet edhe njeriu i

Gazetarja Klodiana Lala zbardhi detaje pas aksionit të RENEA-s dje në Shkodër, ku u zhvilluan kontrolle edhe në banesën e Safet Bajrit. E ftuar në emisionin “Open” në News24, Lala u shpreh se zyrtarisht për Safet Bajrin nuk ka një urdhër arresti.

Lala sqaroi se mes personave nën hetim për masakrën e Dobraçit ku u vra Hamza Lici, Arlind Bushati dhe dy persona të pafajshëm është edhe njeriu i Ervis Martinajt, Elio Hato, i cili sipas gazetares dyshohet se ka mbetur i plagosur gjatë atentatit.

“Zyrtarisht për Safet Bajrin nuk ka urdhër arresti, është kërkuar kontroll në banesën e tij dhe shoqërimi për veprime hetimore. Ajo që di të them është që pjesëtarë të grupit kriminal Bajri dhe grupi i Izmir Sakicës, Asmer Bilalit apo Elio Hato janë zyrtarisht persona nën hetim për masakrën e Dobraçit. Elio Hato dyshohet se mund të ketë mbetur i plagosur gjatë ngjarjes së Dobracit.

Sa i takon Safet Bajirt, pavarësisht kontrolleve ai nuk është gjetur, mbetet si do të veprojë prokuroria. Është një vendim që po mbahet top sekret. Është firmosur nga gjyqtari Erion Cela. Safet Bajri dhe pjesëtarë të tjerë të grupit, përfshirë grupin e Izmir Sakicës, përfshirë edhe Elio Haton, ky është personazh i njohur i plagosur në zonën e ish bllokut dhe konsiderohej si njeri i afërt i Ervis Martinajt dhe Asmer Bilali që ndodhen në burgun e Recit po hetohen për masakrën e Dobracit. Në kuadër të këtij hetimi prokuroria është vënë në ndjekje të disa provave që ne nuk i deshifrojmë dot sepse janë veprime shumë të mbyllura. Në kuadër të këtij hetimi është urdhëruar të shoqërohet Safet Bajir, se çfarë kërkonte Prokuroria prej tij kjo mbetet për tu sqaruar sepse nuk i gjet në shtëpi. Por nuk ka një urdhër arresti për të.

Ndërkohë i është i komunikuar masa e sigurisë arrest me burg për krijim të kushteve për të kryer vrasje dhe grup i strukturuar kriminal Izmir Sakicës dhe Samuel Troshani. Por ky urdhër arresti është për ngjarjen e 23 gushtit 2024. Ndërkohë është firmosur urdhër arrest edhe për dy persona të tjerë, por aksioni i ndërmarrë nga RENEA nuk ka bërë të mundur arrestimin e tyre”, tha Lala.

 

 

Të fundit