Gazetarja tregon përjetimet nga tërmeti: Mbajti 8 orë në gji të bijën të vdekur, kujtoj dhe fjalët e Ramë Lalës

Gazetarja Klodiana Lala foli për përjetimet e rënda të një viti më parë, kur mëngjesi e gjeti Shqipërinë nën rrënoja, pas tërmetit të fuqishëm me magnitudë 6.4 të shkallës rihter, që goditi vendin.

Lala tregoi për një nga rastet ai i Diena Karranxhës, e cila doli e gjallë, por humbi jetën më vonë në spital. Gazetarja tregoi për "Neës 24" dramën, se si Karranxha e mbajti të bijën të vdekur në gjirin e saj për plot 8 orë dhe nuk arriti dot të mbijetonte as vetë.

Ajo shtoi se operacioni i kërkim shpëtimit  ishte i vështirë edhe në Thumanë, se pallatet kishin rënë në pjesën e përparme dhe rrezikonin të shembeshin.

“Një ditë pas tërmetit kam shkuar në Thumanë, ku pamja ishte dramatike. Pati një lëkundje tjetër shumë të fortë, ku gjithçka u ndërpre, të gjithë u traumatizuan dhe prisnin nga momenti në moment që gjithçka të shembej. Gjithkush aty përpiqej të bënte më të mirën.

Për fat të keq, Shqipëria humbi 51 qytetarë të saj. Katër ditët e operacioneve të kërkim-shpëtimit ishin ditë rraskapitëse. Forcat tona kishin shumë pak mjete për të ndërhyrë, por përkushtimi i tyre ishte maksimal. Ardhja e forcave nga vendet e tjera solli një vrull të ri për mënyrën si u punua.

Forcat punuan për 11 orë për nxjerrjen e Diena Karranxhës, e cila doli e gjallë, por humbi jetën më vonë në spital. Ajo pati dramën, se mbajti të bijën të vdekur në gjirin e saj për plot 8 orë dhe nuk arriti dot të mbijetonte as vetë. Operacioni ishte i vështirë edhe në Thumanë, se pallatet kishin rënë në pjesën e përparme dhe ishte rreziku të shembeshin.

Kujtoj dhe rastin e Ramë Lalës, i vetmi i mbijetuar i kësaj familje, ku operacioni ishte shumë i vështirë. Ishte fat i madh i tij që u mbështet pas muri, nga lavatriçja, që të dilte gjallë. Në momentin kur u nxor ajo “poshtë meje është motra”. Unë i dëgjova këto fjalë të tij, edhe pse motra e tij në fakt kishte vdekur”, tha gazetarja Lala.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm