Flash News

Op-Ed | Korça po zbrazet. Kush e ka fajin?

Ky është delegacioni shqiptar që do të marrë pjesë në varrimin e Papa Franceskut

Të shtëna me armë zjarri, policia gjen tre gëzhoja në Fushë Krujë

Zegjineja e Roskovecit, si vegël e propagandës së Ballukut

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Gazetarja zbulon si arriti Rama të mos protokollojë shkresën për emërimin e Sara Goxhajt në krye të bashkisë

Politiko 20 Mars 2025, 22:08

Gazetarja zbulon si arriti Rama të mos protokollojë shkresën

Gazetarja Klodiana Lala zbardhi detaje rreth protokollimit të shkresës së firmosur dy ditë më parë nga Erion Veliaj për emërimin e Sara Goxhaj dhe lirimin e Anuela Ristanit të komanduar me urdhër të Edi Ramës.

E ftuar në MCNm, gazetarja solli në vëmendje detajet e debatit mes Ramës dhe besuarit të Veliajt, Alban Dokushi, dhe moslejimin e protokollimit të shkresës për emërimin e Goxhajt.

"Kur kryeministri Rama u informua për këtë vendim të Veliajt, sipas informacioneve që kam, ai ka kontaktuar menjëherë Bashkinë e Tiranës dhe ka bërë një pyetje të parë: A është i ligjshëm një urdhër i tillë? Stafi i tij, përfshirë Alban Dokushin, është munduar t’i shpjegojë se ky urdhër ishte i ligjshëm, pasi ata kishin autoritetin e prokurorit dhe se ai kishte kompetencën për ta firmosur.

Debati mes Ramës dhe besuarit të Veliajt ka nisur pas kësaj. Rama ka kërkuar dorëheqjen e Dokushit, duke sugjeruar që ai mund të kthehej në detyrën e tij si drejtor juridik.

Dokushi ka refuzuar, dhe në atë moment, Rama ka urdhëruar që shkresa për emërimin e znj. Goxhaj në krye të Bashkisë të mos protokollohej.

Në Bashki ka qenë situatë e tensionuar. Rama, në informacionet që disponoj, i janë ridëguar Veliajt shkresat e reja, për rikthimin në detyrën që kishte Anuela Ristani dhe largimin e disa zyrtarëve të Bashkisë.

E pashë si luftë të hapur mes kryetarit të Bashkisë dhe kryeministrit",. tha Lala. 

Të fundit