Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Giorgia Meloni: Të ruajmë rolin e Evropës, me rëndësi anëtarësimi i Shqipërisë dhe RMV

Politiko 13 Dhjetor 2022, 12:59

Giorgia Meloni: Të ruajmë rolin e Evropës, me rëndësi

Kryeministrja e Italisë Giorgia Meloni i është drejtuar një ditë më parë Parlamentit Italian me një deklaratë ku përmend edhe zgjerimin e Bashkimit Evopian dhe Integrimin e Ballkanit Perëndimor.

Meloni ka hënë para deputetëve italianë se anëtarësimi mbetet mjeti më i fortë për të mbajtur vendet e rajonit të lidhura me njëra-tjetrën. Kryeministrja italiane nënvizoi rëndësinë e integrimit të Shqipërisë dhe Maqedonisë së Veriut.

Meloni tha se duhet të forocohet roli i Evropës si lojtar global duke theksuar se çdo boshllëk strategjik duhet të mbushet nga lojtarë të tjerë.

“E rëndësishme për stabilitetin e kontinentit evropian është edhe tema tjetër e seksionit "marrëdhëniet e jashtme" të Këshillit Evropian, përkatësisht Ballkani Perëndimor dhe mbështetja e Këshillit Evropian për konkluzionet e Këshillit të Çështjeve të Përgjithshme që po zhvillohet sot në Bruksel për çështjen e zgjerimi. Skenari aktual ndërkombëtar kërkon që ne të reflektojmë mbi rolin e Evropës si një lojtar global, duke ditur se çdo "boshllëk strategjik" do të plotësohet nga lojtarë të tjerë. Dhe kjo, padyshim, duke u nisur nga fushat e interesit tonë të drejtpërdrejtë. Kjo është veçanërisht e vërtetë për Ballkanin Perëndimor, stabilizimi i të cilit është një prioritet, edhe në aspektin e sigurisë, për Italinë dhe për Evropën në tërësi.

Një perspektivë e besueshme anëtarësimi mbetet mjeti më i fuqishëm në dispozicion të Bashkimit Evropian për t'i mbajtur kombet e rajonit të ankoruar me vlerat tona. Ky është qëndrimi që qeveria rikonfirmoi në samitin BE-Ballkan të mbajtur më 6 nëntor në Tiranë. Një samit që bëri të mundur forcimin e veprimit dhe dukshmërisë së Bashkimit Evropian në rajon, një nga më të ekspozuarit ndaj pasojave të konfliktit të Ukrainës, si dhe ndaj ndikimit destabilizues të Rusisë.

Nga ky këndvështrim, është e nevojshme të ruhet fryma e krijuar nga hapja e proceseve të negociatave me Maqedoninë e Veriut dhe Shqipërinë. Nëse ka një nevojë që bashkon të gjithë popujt e rajonit të Ballkanit Perëndimor, është ajo e integrimit europian dhe sot më shumë se kurrë e kuptoj se si ky integrim, për këto vende, kalon përmes një kërkese të madhe për Italinë. Është një mundësi që duhet të dimë ta shfrytëzojmë. Përparimi konkret i rrugës evropiane të vendeve të Ballkanit do të thotë ta bësh Italinë më qendrore në Evropë”, ka deklaruar Meloni.