Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Giro d’Italia në Vlorë, Policia publikon listën e rrugëve të bllokuara

Politiko 11 Maj 2025, 08:33

Giro d’Italia në Vlorë, Policia publikon listën e

Etapa e tretë dhe e fundit e garës prestigjioze ndërkombëtare “Giro d’Italia 2025” që zhvillohet në Shqipëri do të mbahet sot, më 11 maj, në qytetin e Vlorës. Çiklistët pritet të nisin pedalimin rreth orës 13:15 nga zona e Lungomares, ku do të zhvillohet nxehja e ekipeve, përpara se gara të startojë zyrtarisht në pikën KM 0 në rrugën “Demokracia”.

Itinerari i garës përfshin një udhëtim panoramik përmes Kotës, Bratajt, Qeparos dhe Porto Palermos, për të vijuar në Himarë e më pas të rikthehet nga Qafa e Llogarasë në drejtim të Orikumit. Gara përmbyllet rreth orës 17:26 në rrugën “Sadik Zotaj”, në qytetin e Vlorës.

Policia me masa të rrepta sigurie dhe kufizime në qarkullim

Policia e Vlorës ka hartuar një plan të detajuar masash për mbarëvajtjen e aktivitetit, duke paralajmëruar kufizime në qarkullim, ndalim parkimi dhe devijim të trafikut në disa akse të qytetit dhe rrugëve interurbane.

Ndër zonat kryesore ku ndalohet parkimi dhe qarkullimi janë:

Sheshi i Madh – Lungomare: Ndalim parkimi nga ora 15:00 e datës 10 maj deri në orën 18:00 të datës 11 maj.
Rruga “Shaban Demiraj” dhe segmentet përreth: Ndalim parkimi dhe qarkullimi nga ora 05:00 e 10 majit deri në orën 14:15 të datës 11 maj. Trafiku do të devijohet në rrugën “Pelivan Leskaj”.
Rruga “Veledin Kollozi”, “Reshat Osmani”, “Mustafa Bello”, “Laze Malo” dhe zona të tjera përreth bulevardit dhe Lungomares do të jenë të mbyllura për qarkullim dhe parkim gjatë gjithë 11 majit, deri në orën 23:00.
Segmenti “Rrethi i Skelës – rruga Aleksandria”, si dhe rrugët “Kosova”, “Perlat Rexhepi”, “Pilo Begaj” dhe “Fiqirete Musta” do të përdoren si rrugë devijimi për trafikun.
Akses për emergjencat dhe shërbimet jetike

Gjatë zhvillimit të garës, do të garantohet kalimi për shërbimet e emergjencës dhe Policinë e Shtetit. Hyrja për në Spitalin Rajonal të Vlorës do të jetë e mundur në fashën orare 11:00 – 13:30 përmes akseve të përcaktuara:

Transballkanike – Shtëpia e Oficerëve – Kapelja – Spitali
Pusi i Mezinit – Rruga e Re – Kapelja – Spitali
Uji i Ftohtë – Centrale – Fabrika e Çimentos – Kuzumbaba – Bashkia – Spitali
Kufizime edhe në rrugët interurbane

Qarkullimi do të ndalohet edhe në akset interurbane që lidhin Vlorën me fshatrat përreth dhe zonat bregdetare:

Vlorë – fshatrat e lumit të Vlorës: Nga ora 11:00 deri në 14:30
Qeparo – Vlorë: Nga ora 10:30 deri në 15:45
Vlorë – Himarë (deri në Qeparo): Nga ora 12:30 deri në 17:30
Qeparo – Himarë – Vlorë: Nga ora 13:30 deri në 16:00
Të gjitha automjetet që do të shkelin kufizimet e njoftuara do të largohen me karotrec, në përputhje me ligjin, dhe do të vendosen përkohësisht në zonën e ish-fushës së aviacionit.