Gjendet një person i pajetë në një përrua në Devoll, dyshimet e para

Një person i pajetë është gjetur këtë të hënë në një përrua në Devoll. Sipas njoftimit të policisë, ngjarja ka ndodhur në fshatin Grapsh, Devoll,  ku është gjetur pa shenja jete nga banorët e zonës, një shtetas ende i paidentifikuar.

Sipas informacioneve të deritanishmem, dyshohet se viktima mund të jetë emigrant i paligjshëm. Në trupin e viktimës nuk janë konstatuar shenja dhune dhe dyshohet se ky shtetas mund të ketë gjetur vdekjen për shkaqe aksidentale.

Njoftimi i policisë:

Më datë 25.01.2021, rreth orës 10:20, në fshatin Grapsh, Devoll, në një përrua, është gjetur pa shenja jete nga banorët e zonës, një shtetas ende i paidentifikuar, i cili nga të dhënat e para dyshohet se mund të jetë emigrant i paligjshëm.

Nga kqyrja paraprake e trupit të tij, nuk janë konstatuar shenja dhune dhe dyshohet se ky shtetas mund të ketë gjetur vdekjen për shkaqe aksidentale.

Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes.

Grupi hetimor, po punon për të identifikuar viktimën si dhe për të zbardhur rrethanat e ngjarjes.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm