Flash News

E-TJERA

Gjermania lëshon mbi 60 mijë viza pune, Shqipëria dhe Kosova ndër përfitueset më të mëdha

Gjermania lëshon mbi 60 mijë viza pune, Shqipëria dhe Kosova

Gjermania ka lëshuar më shumë se 60,000 viza në bazë të Aktit të Emigracionit të Punëtorëve të kualifikuar gjermanë në vitin 2021. Kështu ka bërë me dije Ministria e Jashtme Federale.

Akti gjerman i imigrimit të punëtorëve të kualifikuar filloi të hyjë plotësisht në fuqi në mars 2020. Gjatë nëntë muajve të parë, nga marsi deri në dhjetor 2020, vendi arriti të lëshojë pothuajse 30,000 viza për punëtorët dhe kursantët e kualifikuar nga vendet e treta.

Kjo tregon se numri i punëtorëve të kualifikuar dhe të trajnuarve që përfituan nga Akti i Emigracionit të Gjermanisë në 2021 u rrit me rreth 50% krahasuar me vitin 2020.

Ndër përfituesit kryesorë janë shqiptarët si në Shqipëri edhe në Kosovë. Kështu shkruan SchengenVisaInfo.com, ndërsa shton se edhe shtetasit nga Serbia dhe Bosnja kanë përfituar nga dhënia e vizave.

Largimi masiv i të rinjve është kthyer në një shqetësim serioz për vendin. Nga Shqipëria po largohen në numra të konsiderueshëm edhe të rinj të kualifikuar.

Megjithatë, Gjermania ka nevojë për qindra mijëra punëtorë të rinj në vit për të mbushur tregun e punës pasi numri i njerëzve të aftë për të punuar pritet të bjerë në mënyrë drastike.

 

Të fundit