Gjermania rendit Shqipërinë në listën e vendeve me rrezik të lartë nga Covid19, rregullat e reja të udhëtimit nga 16 janari

Gjermania ka renditur Shqipërinë në listën e vendeve me rrezik të lartë nga Covid-19, nisur nga rritja e rasteve të prekura prej disa ditësh.

Ministria për Evropën dhe Punët e Jashtme njofton se në këto kushte, prej 16 janarit ndryshojnë rregullat e udhëtimit për shqiptarët drejt Gjermanisë.

“Ministria për Evropën dhe Punët e Jashtme njofton se Gjermania e ka përfshirë Shqipërinë në listën e vendeve me rrezik të lartë nga Covid19.

Duke filluar nga data 16 janar 2022, shqiptarët që udhëtojnë drejt Gjermanisë do të duhet që para udhëtimit të regjistrohen në faqen e internetit ëëë.einreiseanmeldung.de

Gjatë regjistrimit, duhet të ngarkoni një dëshmi shërimi nga Covid19 ose që jeni plotësisht të vaksinuar.

Nëse nuk mund të paraqisni asnjërën nga këto dy dëshmi, do t’ju duhet një test i Covid19 për të hyrë në Gjermani.

Pas mbërritjes do ju duhet të karantinoheni për dhjetë ditë. Pas pesë ditësh, ju mund të testoheni përsëri dhe nëse rezultati i testit është negativ, mund t’i jepni fund karantinës”, njofton ministria e Jashtme.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm