Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gjirokastra, qarku më problematik, akse të bllokuara në disa zona. Si paraqitet situata pas përmbytjeve?

Politiko 9 Janar 2026, 14:12

Gjirokastra, qarku më problematik, akse të bllokuara në disa

Qarku Gjirokastër paraqet situatën më problematike. Në Bashkinë Gjirokastër ka prezencë dëbore në Picar, ndërsa lumi Drino në aksin Gjirokastër–Tepelenë i është afruar trupit të rrugës, duke kërkuar ndërhyrje të menjëhershme për forcimin e argjinaturës. Po ashtu, akset rrugore në zonat Odrie, Lunxhëri dhe Zagori, vijojnë të bllokuara.

Në Bashkinë Dropull, ura e Glinës mbetet problematike, ndërsa vijon puna për lirimin e akseve Pogon–Dropull dhe Zagori–Libohovë, të bllokuara nga dëbora. Situatë e vështirë paraqitet edhe në Bashkinë Përmet, ku aksi Përmet–Dogana e Tre Urave është i bllokuar, si dhe në Njësinë Administrative Frashër dhe fshatrat përreth për shkak të reshjeve të dendura të dëborës.

Në Bashkinë Memaliaj raportohet gërryerje e tokave bujqësore nga lumi Vjosë, ndërsa në Tepelenë qarkullimi në aksin Tepelenë–Gjirokastër, në zonën e quajtur “Shkalla e Zezë”, realizohet vetëm me një korsi.

Qarku Lezhë është përfshirë nga reshje dëbore edhe në zonat e ulëta, përfshirë qytetin e Lezhës. Strukturat përgjegjëse janë në gatishmëri për mbajtjen hapur të akseve rrugore, ndërsa është përfunduar riparimi i argjinaturës së dëmtuar në lumin Drojë.

Në Qarkun Vlorë raportohet përmirësim i situatës sa i përket prurjeve të lumit Vjosë. Nënkalimi në fshatin Bishan mbetet i bllokuar, por nuk ka raportime për banesa të përmbytura, vetëm prezencë uji në oborre.

Qarku Elbasan po përballet me dëborë dhe ngrica në zonat malore të bashkive Elbasan dhe Peqin, ku disa akse rurale janë bllokuar nga dëbora dhe rrëshqitjet e dherave. Mjetet dhe punonjësit ndodhen në terren për normalizimin e situatës.

Edhe Qarku Dibër mbetet ndër zonat më të prekura. Forcat e emergjencave civile po ndërhyjnë në disa akse me prezencë akulli dhe rrëshqitje dherash, ndërsa ekipet e OSHEE po punojnë për rikthimin e energjisë elektrike në njësitë administrative Bulqizë, Klos, Dibër dhe Lurë. Disa segmente rrugore janë aktualisht të pakalueshme, por policia ndodhet në terren për orientimin e qarkullimit.

Të fundit