Flash News

Vrasja e 22-vjeçares shqiptare në Romë, babai i viktimës: Takova të dashurin, më përqafoi!

KLGJ ‘ndëshkon’ me masa disiplinore dy gjyqtare

Europol kontrolle në banesën e të riut shqiptar, dyshohet për pornografi me të mitur

Raporti i SPAK: Nën hetim 33 ish-zyrtarë të lartë

Zgjedhjet parlamentare, publikohet lista përfundimtare e votuesve

E-TJERA

GJKKO shtyn vendimin për Rexhë Byberin, shkaktoi mbi 277 mln lekë dëm

Politiko 1 Prill 2025, 14:57

GJKKO shtyn vendimin për Rexhë Byberin, shkaktoi mbi 277 mln lekë

Gjykata e Posaçme ka shtyrë vendimin për kryebashkiakun socialist të Tropojës, Rexhë Byberi dhe nënkryetarin e Bashkisë, Abedin Kërrnaja.

Avokatët e Byberit dhe Kërrnajës kanë pretenduar gjatë seancës së sotme se hetimet janë të paplota dhe kanë kërkuar që dosja të kthehet për hetime shtesë, duke theksuar se, sipas materialeve të dorëzuara në gjykatë, nuk ka prova për një vepër penale.

Vendimi pritet të merret në seancën e radhës, e cila do të zhvillohet më 15 prill, në orën 11:00.

Të dy ata janë marrë të pandehur nga SPAK për kryerjen e veprës penale “Shpërdorimi i detyrës”, (më shumë se një herë), të kryer në bashkëpunim.

Rexhë Byberi dhe Abedin Kërrnaja akuzohen nga SPAK për hapjen e rrugës së re “Stacioni i Anijes Palç-Guri i Lules”, totalisht ndërtim i ri, i cili 80% të kësaj gjatësie kalon nëpër rrugën këmbësore ekzistuese.

Sipas SPAK, punimet janë bërë në kundërshtim me aktet ligjore dhe nënligjore, të miratuara me vendim të Këshillit Bashkiak dhe prefektit të Qarkut Kukës, duke sjellë një dëm prej mbi 277 milion lekësh.

SPAK thotë se për hapjen e një rrugë të re subjekti i interesuar duhej të aplikonte në sistemin elektronik e-leje, pranë Bashkisë Tropojë, si institucion vendor që ka tagrin të shqyrtojë dhe miratojë lejen e ndërtimit të infrastrukturës, dhe të bashkëvepronte me institucionet e tjera kompetente për ndërtimin e rrugës, gjë e cila nuk ka ndodhur.

Rexhë Byberi aktualisht ndodhet në masën e sigurisë “Arrest në shtëpi”.

Të fundit