Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gjokutaj: Gjyqtarja Irena Gjoka është shkarkuar në 1996 nga Berisha me akuza për korrupsion

Politiko 4 Nëntor 2023, 16:46

Gjokutaj: Gjyqtarja Irena Gjoka është shkarkuar në 1996 nga

Avokati Genc Gjokutaj ka folur rreth çështjes së privatizimit të ish-kompleksit Partizani teksa ka zbuluar një detaj tepër të rëndësishëm.

Detaji që ka zbuluar Gjokuataj në edicionin e lajmeve në Syri tv, ka të bëjë me vitin e largët, 1996, kur Sali Berisha ishte kryetar i Këshillit të Lartë të Drejtësisë dhe ka shkarkuar gjyqtaren Irena Gjoka nga sistemi pasi akuzohej për korrupsion.

 Kjo gjyqtare duhet të jepte dorëheqje nga çështja pasi ka konflikt të pastër interesi, u shpreh Gjokutaj.

Pjesë nga intervista e Gjokutajt:

“Shiko, këtu nuk flitet më  për drejtësi. Pra po marrim si kampion këto çështje sepse këto tregojnë se janë letra lakmuesi që tregon shëndetin e sistemit sepse këtu është i gjithë problemi. Këtu nuk po flitet për 3 rrënjë kanabisi që është kapur dje, do kapet sot apo nesër apo një vjedhje ordinere të një marketi.

Nuk jemi ne në këto kushte, ajo nuk është testi i sistemit të drejtësisë. Ne sot kemi investitor strategjik aktor humori, pa një pasuri të trashëguar, dhe ju e thatë mirë rastin e procesit të arrestimit të Malltezit dhe çështjes Berishës.

Çfarë sistemi drejtësie kemi ne kur ky sistem shmang procedurën parlamentare për ish-kryeministrin e këtij vendi dhe vepron në kundërshtim me ligjin me dashje të plotë dhe gjykohet nga një gjyqtare që është e kallëzuar penalisht, që i është kërkuar përjashtimi dhe nuk e ndërpret sipas ligjit, shqyrtimin gjyqësor derisa të shqyrtohet kërkesa për përjashtim.

Së fundmi që opinioni nuk e di,  është një gjyqtare e shkarkuar nga Këshilli i Lartë i Drejtësisë në 1996, e shkarkuar në cilësinë e kryetarit të lartë të drejtësisë ka qenë Berisha, pra e shkarkuar nga detyra e gjyqtarit si shkak madhor që e obligonte këtë gjyqtare të jepte dorëheqjen nga gjykimi i çështjes pasi ka pasur një konflikt të mëparshëm me personin dhe ligji në këto raste është i ftohtë e i prerë sepse riparimi i kësaj shkelje të çon te një proçes i rregullt gjyqësor.

Imagjinoni që këta prokurorë, avokatë kryesie apo gjyqtarë janë të zgjedhur ata të cilët nuk ngurojnë të shkelin ligjin dhe që mazhoranca i ka nën kalendarin e saj politik e kërkon t’i zgjidhë me mjete e sistemin juridik e kjo është pjesa më e tmerrshme e saj, me qëllim zgjedhjet për 2025.",- u shpreh avokati i njohur.

 

Të fundit