Gjokutaj 'sqaron' SPAK-un: Sali Berisha u paraqit pikërisht në datën e fletëthirrjes

Genc Gjokutaj, avokati i Sali Berishës, ka reaguar duke akuzuar SPAK se po për gënjen me pretendimin se i kishte dërguar dy fletëthirrje kreut të PD.

Gjokutaj shkruan në Facebook se Berisha, ka qenë fizikisht në ambientet e institucionit më 3 nëntor 2025, ditën kur SPAK pretendon se e ka thirrur për t’u pyetur.

Postimi:

Një sqarim për opinionin e interesuar!

Tragji - komedia e SPAK për gjoja njoftimin e z. Sali Berisha për tu pyetur së pari në datën 03.11.2025 dhe pastaj sot më datën 14.11.2025 si çdo gënjeshtër i ka këmbët e shkurtëra!

Zoti Prokuror SPAK-ist Alfred Shehu!

Ju e dini mjaft mirë që z. Sali Berisha paraqitet në SPAK të hënën e parë dhe të tretë të çdo muaji në funksion të ekzekutimit të vendimit gjyqësor për caktimin e masës se sigurimit “detyrim për paraqitje”!

Për hir të së vërtetës dhe për ironi të fatit tënd/ tuaj z. Sali Berisha pikërisht për këtë arsye ështe paraqitur ditën e hënë date 03.11.2025 ora 10.00 tek OPGj e SPAK pikerisht në datën dhe orën që ju pretendoni që e keni thirrur për ta pyetur!

Pyetje: përse nuk e ftuat për tu pyetur atë ditë pasi ai ishte ne ambientet e SPAK?

Po për daten tjeter atë të 14.11.2025 përse nuk ja komunikuat meqë nuk ju dha ta realizonit pyetjen atë ditë?

Që je i kapur/të kapur kokë e këmbë politikisht e dinim por që Prokurori i Shtetit të gënjejë për Pushtetin është kriminale, amorale dhe sjellje e padenjë institucionale që duhet përbuzur e denoncuar me force çdo ditë!

Nderkohë z. Sali Berisha ndodhet në Tiranë, i gatshëm për tu paraqitur sipas ligjit dhe ne adresat ku kini tokitur sa here ju është dashur!