Gjonaj firmos në Londër marrëveshjen për transferimin e të burgosurve, problem ndryshimi i procedurës në të dy vendet

Ministrja e Drejtësisë Etilda Gjonaj mësohet se ndodhet për një vizitë pune në Londër, Angli. Ajo ka firmosur një marrëveshje me zyrtarë të qeverisë për transferimin e të burgosurve.

Marrëveshje mundëson transferimi legjitim të shtetasve shqiptarë nga burgjet e Mbretërisë se Bashkuar për në vendin e tyre të origjinës, në Shqipëri, për të kryer pjesën tjetër të dënimit si dhe transferimin e shtetas britanikë të burgosur në Shqipëri në burgjet e Mbretërisë së Bashkuar.

Problemi kryesor është ndryshimi i procedurës se transferimit në të dy vendet nisur nga fakti që për palën britanike transferimi përbën një proces administrativ që ndiqet nga National Offender Management Service përderisa transferimi kryhet vetëm në baze të urdhrit për transferim, me të cilin kërkohet vazhdimi i dënimit (pa njohje nga gjykata) , ndërsa në Shqipëri është një proces administrativ gjyqësor për të cilin Kodi i Procedurës Penale Shqiptare parashikon dhe rregullon konvertimin e dënimit, me përjashtim të rastit kur ka marrëveshje.

Në disa raste pozita juridike e subjekteve pas njohjes së vendimit britanik rezultoi e rënduar për shkak të njohjes pa konvertim të dënimit (të vijimit të dënimit) ose të mosllogaritjes së periudhës së vuajtur të dënimit.

Nuk është përcaktuar ende një mënyrë për të zgjidhur këtë problem. 

Kujtojmë se pak kohë më parë, ministrja e Brendshëm britanike Priti Patel ndodhej në Shqipëri ku u takua me kryeministrin Rama ku u firmos një marrëveshje për të përshpejtuar dëbimin nga Britania të shqiptarëve të arrestuar dhe ata që kapen duke qendruar ilegalisht në Britani.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm