Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Gjykata e lartë kalon për gjykim dosjen ‘Tahiri’, vendimi për ish-ministrin do të jetë përfundimtar  

Politiko 22 Janar 2021, 20:20

Gjykata e lartë kalon për gjykim dosjen ‘Tahiri’, vendimi

Kolegji Penal i Gjykatës së Lartë vendosi të kalojë për gjykim dosjen penale e ish-ministrit të Brendshëm, Saimir Tahiri dhe ish-drejtorit të policisë së Vlorës Jaeld Çela.

Gjykata e Apelit e ktheu çështjen për rigjykim, pasi ish-ministri Tahiri bëri rekurs.

Vendimi për dosjen u mor në dhomën e këshillimit pasi u cilësua prioritare.

Ata janë cilësuar fajtorë nga Gjykata për Krimet e Rënda me akuzën “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’.

Për shkak të gjykimit të shkurtuar, dënimi i Tahirit u konvertua në 3 vite shërbim prove dhe mos-ushtrim të funksioneve publike gjatë kësaj kohe, ndërsa Çela me 3.4 vite burg.

Kujtojmë se ata e apeluan vendimin, ndërsa Gjykata e Apelit vendosi prishjen e vendimit dhe rigjykim në Shkallën e Parë. Pas këtij vendimi, Tahiri dhe Çela e dërguan çështjen në ngarkim të tyre në Gjykatën e Lartë për rekurs, e cila për një kohë të gjatë është jashtë funksionit për shkak të mungesës së kuorumit të nevojshëm për shkak të vettingut ndaj gjyqtarëve.

Vendimi i Gjykatës së lartë do të jetë përfundimtar për dy ish zyrtarët, por me gjasë ata do duhet të presin sërish pasi që dosja penale të shqyrtohet nevojitet që Gjykata e Lartë të plotësohet me pesë anëtarë, nga tre që posedon aktualisht, konkretisht: Sokol Sadushi, Ilir Panda dhe Ervin Pupe.  

Të fundit