Gledis Nano ndryshon drejtorët e policisë në qarqe dhe emëron zëvendësin e tij. Emrat, asnjë i ri

Drejtori Gledis Nano ka dalë në një konferencë për mediat ku ka bërë publike ndryshimet në Policinë e Shtetit. Ai prezantoi drejtuesit e rinj të policisë në rrethe.

Nano ka vendosur ta largojë Rebani Jaupajn nga drejtimi i Policisë së Tiranës dhe ta vendosë atë drejtor të Sigurisë Publike. Në vend të Jaupaj, Gledis Nano ka vendosur Lorenc Panganikan.

Ndërsa në vend të krye Antiterrorit, zëvendësuesin e tij, Nano ka emëruar Alban Dautajn. Ai ka rikthyer në Policinë e Shtetit Ardian Çipën, duke e vendosur drejtor në Elbasan. Çipa ka qenë drejtori i Përgjithshëm për Hetimin e Krimit të Organizuar dhe Krimeve të Rënda, por është shkarkuar në vitin 2017.

Emrat që prezantoi Nano nuk janë të panjohur për Policinë e Shtetit. Ndryshimet e sotme nuk prodhuan emra të rinj, por lëvizje, sikurse ka ndodhur dhe më herët.

Emërimet:

Drejtori i policisë në Tiranë, Lorenc Panganika

Drejtori i policisë në Shkodër, Hamdi Fjora 

Drejtor i policisë në Vlorë, Gentian Berberi

Drejtor i policisë në Elbasan, Ardian Çipa

Drejtori i policisë në Fier, Alfred Cepe

Drejtor i Policisë në Korçë, Gjovalin Loka

Drejtor i policisë në Durrës, Neritan Nallbati

Drejtor i Policisë në Kukës, Edmond Sulaj

Drejtor Policisë në Gjirokastër, Bledar Çeliku

Drejtor i Policisë në Lezhë, Oltion Bitri

Drejtor i Policisë në Dibër, Skënder Hitaj

Drejtor i Policisë së Mrigracionit dhe Kufirit në Tiranë, Saimir Boshnjaku

Drejtori i Policisë së Migracionit dhe Kufirit në Korçë, Fatmir Hoxha

Drejtori i Policisë së Migracionit dhe Kufirit në Shkodër, Arben Joca

Drejtori i Policisë së Migracionit dhe Kufirit në Gjirokastër, Sokol Cana

Drejtor i sigurisë publike, Rebani Jaupaj

Drejtor i Antiterrorit, Alban Dautaj

Drejtor i Qendrës së Mbyllur të të huajve në departamentin e Kufirit dhe Migracionit, Lorenc Shehu

Nano paralajmëroi të tjera ndryshime në Policinë e Shtetit, këtë herë në nivel vendor. Gjithashtu bëri me dije se nga nesër do të nisë prezantimi i drejtorëve të rinj. Ai tha se atyre do ju prezantohet strategjia e re mbi të cilën do të punojë Policia e Shtetit nën drejtimin e Gledis Nanos.

Këto ndryshime vijnë në përfundimin e afatit 100 ditor të vendosur nga kryeministri Edi Rama. Nano u vendos në krye të policisë pranë përfundimit të afatit, por ka bërë nujë analizë të situatës në qarqe dhe ka takuar drejtuesit vendorë.

"Lëvizjet e mësipërme i paraprijnë ndryshimeve të tjera që do të bëhen në drejtuesit e tjerë të Policisë, në nivel vendor. Ndërkohë jemi në procesin e përmirësimit të akteve normative që rregullojnë veprimtarinë e Policisë së Shtetit, aplikimit të sistemit të ri të vlerësimit të performancës, si një instrument kyç për të përmirësuar besueshmërinë dhe transparencën gjatë ecurisë në karrierë të punonjësve të Policisë së Shtetit, si dhe të studimit për riorganizimin e përgjithshëm të strukturës së Policisë së Shtetit", tha Nano.