Flash News

PD-ASHM siguron dy mandate në Kukës, Isuf Çelaj më i votuari preferencial

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

E-TJERA

Goditet rrjeti ndërkombëtar i mashtrimeve kibernetike, sekuestrime dhe kontrolle në Tiranë

Politiko 13 Maj 2025, 18:17

Goditet rrjeti ndërkombëtar i mashtrimeve kibernetike, sekuestrime dhe
Policia e Shtetit ka marrë pjesë në një operacion të gjerë ndërkombëtar kundër krimeve kibernetike, të koduar “Platforma”, duke finalizuar me sukses kontrolle dhe sekuestrime në Tiranë. Operacioni u zhvillua në bashkëpunim me autoritetet e Gjermanisë, Qipros dhe Izraelit, dhe me mbështetjen e agjencive europiane Eurojust dhe Europol.

Në territorin shqiptar, aksioni u drejtua nga Drejtoria për Hetimin e Krimeve Kibernetike dhe Forca e Posaçme Operacionale, nën koordinimin e Prokurorisë së Posaçme SPAK. Në zbatim të një letërporosie të ardhur nga Gjermania, u ushtruan kontrolle në tre ambiente të ndryshme në Tiranë, ku u sekuestruan:

2 aparate celularë
1 laptop
1 njësi kompjuterike
1 USB dhe një hard disk i jashtëm
40 020 euro në para cash
Sipas hetimeve paraprake, bëhet fjalë për një grup të strukturuar kriminal që vepronte përmes një platforme të rreme investimesh online, duke mashtruar qytetarë nga vende të ndryshme të Evropës. Deri tani, numërohen mbi 100 viktima të mashtruara me një dëm financiar që kap shifrën e mbi 3 milionë eurove.

Operacioni “Platforma” është pjesë e përpjekjeve të koordinuara ndërkombëtare për të goditur rrjetet kriminale që përdorin teknologjinë për mashtrime financiare në shkallë globale. Autoritetet paralajmërojnë vijimin e hetimeve dhe të operacioneve të ngjashme në kuadër të bashkëpunimit ndërkombëtar për luftën kundër krimeve kibernetike.

Të fundit