Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Goditi me grushte drejtorin e një banke në Kukës, arrestohet kosovari

Politiko 8 Nëntor 2023, 11:31

Goditi me grushte drejtorin e një banke në Kukës, arrestohet

Është arrestuar në flagrancë 41-vjeçari (shtetas kosovar) i cili goditi me grushte për shkak të detyrës drejtorin e një banke në qytetin e Kukësit.

Po ashtu iu sekuestrua  16 813 euro, një mjet prerës (kosore), dokumente dhe sende të tjera, që u gjetën gjatë kontrollit në automjetin e 41-vjeçarit.

Njoftimi i policisë

Finalizohet nga Komisariati i Policisë Kukës, operacioni policor i koduar “Office”. Goditi me grushte, për shkak të detyrës, drejtorin e një banke në qytetin e Kukësit, arrestohet në flagrancë 41-vjeçari (shtetas kosovar). Sekuestrohen 16 813 euro, një mjet prerës (kosore), dokumente dhe sende të tjera, që u gjetën gjatë kontrollit në automjetin e 41-vjeçarit.

Shërbimet e Komisariatit të Policisë Kukës, pas marrjes së kallëzimit nga shtetasi S. G., me detyrë drejtor i një banke në qytetin e Kukësit, se ishte goditur për shkak të detyrës nga një shtetas, në ambientin e punës, kanë organizuar punën për kapjen e tij. Në kuadër të operacionit policor të koduar “Office”, u kap dhe u vu në pranga shtetasi A. M., 41 vjeç, banues në Prishtinë, i cili dyshohet se ka goditur me grushte shtetasin S. G. dhe më pas është larguar nga banka.

Pas ndalimit nga Policia, gjatë kontrollin në automjetin e tij, janë gjetur 16 813 euro pa dokumentacion që tregon burimin e tyre, një mjet prerës (kosore), dokumente dhe sende të tjera, të cilat u sekuestruan në cilësinë e provës materiale, bashkë me automjetin. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme, për veprat penale “Goditje për shkak të detyrës” dhe “Pastrimi i produkteve të veprës penale ose veprimtarisë kriminale”.

Të fundit