Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Grabitësi shqiptar që “ia hodhi” Anglisë, si e fitoi pasaportën britanike dhe shtëpinë 350 mijë euroshe

Politiko 19 Qershor 2023, 10:05

Grabitësi shqiptar që “ia hodhi” Anglisë, si e fitoi

Asim Murtati, 46 vjeç, i dënuar në mungesë në Shqipëri me 11 vite burgim në vitin 2009, ia ka dalë të marrë nënshtetësinë britanike dhe të pajiset me pasaportë, por duke përdorur një identitet të rremë.

Siç shkruan “Daily Mail”, Murtati në nëntor 1997, bashkë me katër shqiptarë të tjerë i zunë pritë një minibusi, ku njëri qëlloi me automatik për të ndaluar shoferin përpara se të hipnin dhe të grabisnin të gjithë pasagjerët brenda.

Për të u lëshua një urdhër arresti, por ai u arratis dhe u dënua në mungesë 12 muaj pas krimit.

Në atë ngjarje, Murtati dha një identitet të rremë para forcave policore duke pretenduar se ishte me origjinë nga Kosova, refugjat që po ikte nga lufta për të fituar azil. Pas kësaj, Murtati mbërriti në Britaninë e Madhe ku mori një leje të pacaktuar për të qëndruar në MB.

Murtati u deportua për të vuajtur dënimin në Shqipëri, por u rikthye sërish në Britani ku u mjaftua vetëm një rinovim pasaporte për të vijuar qëndrimin. Murtati jeton në një pronë në Northampton me vlerë më shumë se 350,000 £ me dy nga vajzat e tij.

Një zëdhënës i Home Office tha: "Ne nuk komentojmë në mënyrë rutinore për rastet individuale".

I pyetur se si u kthye në MB, ai tha: 'Kjo është e gabuar, mik. E ke kuptuar gabim.'

Ai fajësoi për dënimin e tij 'politikën shqiptare' përpara se të pretendonte në mënyrë të rreme se zgjodhi të kthehej në shtëpi, duke thënë: 'Nuk e kam kryer dënimin sepse nuk jam fajtor'.

Por dokumentet e gjykatës shqiptare tregojnë se ai u dëbua më 16 janar 2009 dhe u burgos deri në lirimin e tij më 13 janar 2015.

Të fundit