Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

E-TJERA

Grantet për artizanatin dhe konkurrueshmërinë, Agjencia Shqiptare e Zhvillimit të Investimeve shpall 86 fitues

Politiko 23 Maj 2025, 15:31

Grantet për artizanatin dhe konkurrueshmërinë, Agjencia Shqiptare

Agjencia Shqiptare e Zhvillimit të Investimeve (AIDA) njoftoi se kishte shpallur 86 ndërmarrje të mikro, të vogla dhe të mesme si fituese të granteve që synojnë rritjen e konkurrueshmërisë. Në një listë të bërë publikë të paktën 10 pre tyre i takojnë granteve të dedikuara për artizanatin, 19 ndërmarrje që duan fokus tek konkurueshmëria dhe 57 ndërmarrje që do të përfitojnë grante për shpenizme korrente.

“Në vijim të Vendimit të Këshillit të Ministrave nr. 26, datë 10.01.2025, për mbështetjen e ndërmarrjeve mikro, të vogla dhe të mesme (NMVM), të cilat synojnë rritjen e konkurrueshmërisë së tyre, zhvillimin e produkteve dhe shërbimeve, inovacionin dhe rinovimin e teknologjisë, zhvillimin e artizanatit  si dhe mbështetjen e grave sipërmarrëse me qëllim nxitjen drejt eksportit dhe forcimin e aftësive të NMVM-ve lidhur me shërbimet dhe produktet për një treg të qëndrueshëm, AIDA, shpalli dhe administroi thirrjen për grante për vitin 2025 gjatë periudhës 30 janar-28 shkurt 2025. Gjatë kësaj periudhe në adresën e AIDA-s, mbërritën 443 kërkesa për mbështetje financiare”, njoftoi Agjencia të enjten e kësaj jave.

Në lidhje me mbështetjen me grante AIDA aplikon dy skema ku e para mbështetje financiare për shpenzime korrente me vlerë financimi deri në 2.5 milionë lekë dhe mbulim të kostove në 100 për qind. Në kostot e mbulueshme hyjnë disa prej tyre duke nisur nga certifikimi i standardeve deri tek materialet promovuese.

Në skemën e dytë është ajo mbështetje për shpenzimet kapitale ku bëjnë pjesë projektet e konkurrueshmërisë me vlerë financimi deri në 1.5 milionë lekë dhe mbulim kostosh 100 për qind si dhe projekte artizanati me vlerë financimi deri në 1 milionë lekë dhe mbulim të kostove 100 për qind.

Në rastin e parë për projektet e konkurrueshmërisë kostot e mbulueshme përfshijnë blerje të makinerive që ndikojnë në rritjen e prodhimit dhe përmirësimin e cilësisë së produktit kurse sa i takon artizanatit  blerje të makinerive tradicionale dhe/ose teknologjike për të përmirësuar kushtet e punës për biznesin  si dhe blerje e aplikacioneve dhe/ose programeve të e-commerce./ Monitor

Të fundit