Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gratë me shami u afrohen fëmijëve? Gazetari: Janë nga kampi i muxhahedinëve, nuk ka denoncim

Politiko 20 Prill 2026, 22:51

Gratë me shami u afrohen fëmijëve? Gazetari: Janë nga kampi

Dy video të shpërndara gjerësisht në rrjetet sociale kanë nxitur shqetësim në kryeqytet, pasi në to shfaqen dy gra me shami duke kryer lëvizje të pazakonta pranë një furgoni të kuq.

Gazetari Merin Maçi tha në “Opinion” se deri më tani nuk ekziston asnjë denoncim zyrtar pranë policisë apo institucioneve të tjera lidhur me këtë rast. Megjithatë, për shkak të përmbajtjes së videove dhe pretendimeve në rrjet, policia ka nisur hetimet me iniciativë.

Nga verifikimet paraprake rezulton se bëhet fjalë për dy persona të ndryshëm, anëtarë të kampit të muxhahedinëve në Manzë, të lidhur me MEK.

Sipas të dhënave, ata ndodheshin në lëvizje për të marrë shërbime mjekësore, ndërsa furgoni i kuq shërben për transportimin e anëtarëve drejt qendrave shëndetësore.

Gazetari sqaron se, të paktën nga pamjet filmike, nuk evidentohet asnjë komunikim me të mitur.

“Kemi të bëjmë me dy persona të ndryshëm, ajo se çfarë është mësuar deri tani është se janë dy anëtarë të kampit të muxhahedinëve të cilët janë në Manzë. Edhe pse kjo video ka bërë xhiron në rrjet, kjo video është publikuar ditën e premte, ndërkohë një tjetër është publikuar ditën e sotme. Nuk ka një denoncim real në polici, apo në një autoritet tjetër që të merret me verifikimin e saj, por duke qenë se përmbajtja e denoncimit në rrjetet sociale lidhet me të miturit, policia ka nisur një hetim me iniciativë dhe aktualisht hetimi vijon.

Të paktën nga pamjet filmike, nuk ka një komunikim me të mitur. Të dy anëtarët e kampit të MEK, të paktën nga verifikimet e deritanishme kanë qenë në lëvizje për të marrë shërbime mjekësore. Madje ka disa pika në të cilat ata marrin shërbim mjekësor. Furgoni i kuq, që shihet në videon e parë është një furgon i cili shërben për transportimin e anëtarëve të MEK, drejt qendrave shëndetësore. Policia po bën verifikimet e sakta edhe për identitetin e tyre, por janë verifikuar që janë të kampit MEK, por kemi të bëjmë me një kamp ku ka më shumë se 2 mijë muxhahedinë.

Të paktën deri më tani, ajo që më është konfirmuar nga policia është se po hetohen dy pista: Një lidhur me këtë denoncim që është bërë në rrjetet sociale dhe jo para autoriteteve. Pista e dytë ka të bëjmë me dezinformim për shkak të prejardhjes që ata kanë. Mund të jetë një tentativë për të krijuar pakënaqësi ndaj kampit”, sqaron gazetari.